პროცესი (მომდინარეობს ლათინური სიტყვიდან - Pროცედერე) განიმარტება როგორც სასამართლოში საქმის სასამართლო განხილვის წესი - სამართალწარმოება. შესაბამისად, ადმინისტრაციული პროცესი გულისხმობს არა ადმინისტრაციულ ორგანოთა მიერ განხორციელებულ ადმინისტრაციულ წარმოებას, არამედ, ადმინისტრაციული სასამართლოს მიერ ადმინისტრაციული საქმეების განხილვისა და გადაწყვეტის საპროცესო წესებს - ადმინისტრაციულ სამართალწარმოებას. სხვაგვარად, ადმინისტრაციული პროცესი ესაა მატერიალური ნორმების რეალიზაციის საშუალება, თუმცა იგი ყოველთვის არ არის დაკავშირებული მატერიალური ნორმების შეფარდების პროცესთან, მაგალითად საქმის წარმოების შეწყვეტის გამო. ადმინისტრაციული სამართლის პროცესი და ზოგადი ადმინისტრაციული სამართალი ერთობლიობაში ქმნიან ადმინისტრაციული სამართლის მნიშვნელოვან ნაწილს.
