1. წესები და პირობები

 

მხარეები

წინამდებარე წესები და პირობები წარმოადგენს თქვენსა და შპს „საბას“ (შემდგომში „კომპანია“ ან „ჩვენ“) შორის დადებულ სავალდებულო ძალის მქონე შეთანხმებას და არეგულირებს თქვენ მიერ შპს „საბას“ პლატფორმის გამოყენებას და მომსახურების მიღებას. 

ვინაიდან მომხმარებელს სურს კომპანიის მიერ ოპერირებად პლატფორმაზე გახსნას პირადი ანგარიში (პროფილი), რათა ისარგებლოს კომპანიის მიერ შეთავაზებული სერვისებით და კომპანიის მიზანია, გაუწიოს მომხმარებელს ამგვარი მომსახურება, კომპანია და მომხმარებელი თანხმდებიან, დადონ ხელშეკრულება, რომლის საფუძველზეც მოხდება მომხმარებლის მიერ ანგარიშის გახსნა, გამოყენება, კომპანიის შემოთავაზებული მომსახურებებით სარგებლობა, მომსახურების ღირებულების ანაზღაურება და ანგარიშის დახურვა.

გთხოვთ, ვებგვერდის გამოყენებამდე ყურადღებით გაეცნოთ წინამდებარე გამოყენების წესებს.

შპს „საბას“ სერვისების გამოყენებით, თქვენ ეთანხმებით, თქვენი და თქვენი ოჯახის ყველა წევრის და სხვების სახელით, ვინც იყენებს შპს „საბას“ ნებისმიერ სერვისს თქვენი ანგარიშის ქვეშ, შემდეგ პირობებს:

რას წარმოადგენს შპს „საბა“ და რა სერვისებს გაწვდით?

 

შპს „საბა“ რეგისტრირებულია საქართველოს კანონმდებლობის შესაბამისად, საიდენტიფიკაციო კოდი: 404940427, მისამართი: ქ, თბილისი, გაბაშვილის ქ., N 5, ბ. 10; კომპანიის საერთო ელ-ფოსტა: [email protected]; ტელ.: 511 14 00 88

შპს „საბა“ ფლობს და მართავს შემდეგ პლატფორმებს: ვებ-გვერდი saba.com.ge და აპლიკაცია SABA Reader.

შპს „საბა“ პლატფორმების საშუალებით მომხმარებლებს აძლევს შესაძლებლობას შეიძინონ პლატფორმაზე განთავსებული მათთვის სასურველი ელექტრონული (მათ შორის, ხმოვანი) წიგნები. ასევე, ელ.ბიბლიოთეკის გამოწერის სერვისის ფარგლებში SABA Reader აპლიკაციიდან მიიღონ წვდომა მთელ ბიბლიოთეკაზე სერვისით სარგებლობის პერიოდში.

შპს „საბას“ აპლიკაცია და მასთან დაკავშირებული მომსახურებები, მათ შორის კომპანიის მიერ მომხმარებლების მისამართით განხორციელებული ნებისმიერი სახის კომუნიკაცია შემოთავაზებულ მომსახურებებთან დაკავშირებით, შემდგომში ერთობლივად წოდებულია, როგორც პლატფორმა.

პერსონალური ინფორმაციის დამუშავების პოლიტიკაზე თანხმობა

 

პერსონალური ინფორმაცია, რომელსაც კომპანია თქვენგან ან მესამე პირებისგან მოიპოვებს მუშავდება თქვენი თანხმობის საფუძველზე, წინამდებარე წესებში განსაზღვრული კონფიდენციალობის პოლიტიკის შესაბამისად. რეგისტრაციის ფორმაში „ვეთანხმები წესებს და პირობებს“ - მონიშვნით თქვენ ასევე ეთანხმებით კონფიდენციალობის პოლიტიკას.

წესებში და პირობებში ცვლილებების შეტანა

 

კომპანიის ადმინისტრაცია უფლებას იტოვებს, ნებისმიერ დროს ცალმხრივად, ამავე ვებგვერდზე გამოქვეყნების გზით, შეიტანოს ცვლილებები ამ პირობებში მომხმარებლის შემდგომი დამატებითი თანხმობის გარეშე.

ზემოთხსენებული ცვლილების შემდეგ ვებგვერდის და მომსახურების გამოყენების გაგრძელება ჩაითვლება მომხმარებლის ხელშეკრულების ცვლილებებზე თანხმობად. 

თქვენი პასუხისმგებლობაა, პერიოდულად შეამოწმოთ წესების განახლებები.

საგადასახადო კანონმდებლობა

 

!!! კომპანია აფრთხილებს მომხმარებელს, რომ ის ვალდებულია დაიცვას საგადასახადო კანონმდებლობით გათვალისწინებული პირობები.

2. ტერმინთა განმარტება

 

წინამდებარე პირობებში გამოყენებულ ტერმინებს და განმარტებებს აქვთ ქვემოთ განსაზღვრული მნიშვნელობა, გარდა იმ შემთხვევებისა, თუ დოკუმენტის კონტექსტიდან აშკარად სხვა რამ არ გამომდინარეობს:

პირადი ანგარიში - ნიშნავს მომხმარებლის მიერ რეგისტრირებულ ანგარიშს;

ავტორიზაცია - ნიშნავს მომხმარებლის მიერ პირად ანგარიშზე წვდომას და მოიცავს წინამდებარე წესების და პირობების მე-6 მუხლით განსაზღვრულ ნებისმიერ ქმედებას;

გამოყენების წესები - ნიშნავს წინამდებარე წესებს, ნებისმიერ სხვა წესთან ან/და პირობასთან ერთად, რომელსაც ეს გამოყენების წესები შესაბამისი მითითებით მიიჩნევენ ამ წესების ნაწილად და რომლებიც არეგულირებენ მომხმარებლის მიერ პლატფორმაზე წვდომისა და მისი გამოყენების საკითხებს, მათ შორის, დაკავშირებულს ნებისმიერ შინაარსთან, ფუნქციასთან და პროდუქტთან, რომელიც შეთავაზებულია პლატფორმის მეშვეობით;

აპლიკაცია - ნიშნავს შპს „საბას“ კუთვნილ აპლიკაციას SABA Reader რომლის მეშვეობითაც ხდება მომხმარებლის მიერ კომპანიის მომსახურებით სარგებლობა; SABA Reader-ის განახლებული აპლიკაციით სარგებლობა შესაძლებელია iOS და Android მოწყობილობებზე. თავსებადია iOS 15.0 და Android 6.0 ოპერაციული სისტემების ვერსიებთან და ზემოთ.

კომპანია, ჩვენ ან ჩვენი - ნიშნავს შპს „საბას“ რომელიც რეგისტრირებულია და არსებობს საქართველოს კანონმდებლობის შესაბამისად, საიდენტიფიკაციო კოდი: 404940427, რეგისტრირებული მისამართი: ქ. თბილისი, გაბაშვილის ქ., N 5, ბ. 10;

მომხმარებელი, მომხმარებლები - ნიშნავს ჩვენს პლატფორმაზე რეგისტრირებულ ნებისმიერ პირს, ცალ-ცალკე და ერთად;

მხარეები - ნიშნავს კომპანიას და მის მომხმარებლებს;

პლატფორმა - შპს საბას მიერ ოპერირებადი პლატფორმა, რომელიც ყოველგვარი შეზღუდვის გარეშე მოიცავს აპლიკაციას ან/და ხელმისაწვდომ ყველა სხვა ალტერნატიულ არხს და მასთან დაკავშირებულ მომსახურებებს, მათ შორის კომპანიის მიერ მომხმარებლების მისამართით განხორციელებულ ნებისმიერი სახის კომუნიკაციას შემოთავაზებულ მომსახურებებთან დაკავშირებით;

საკონტაქტო ინფორმაცია - მომხმარებლის მობილური ტელეფონის ნომერი ან/და ელექტრონული ფოსტის მისამართი.

ოპერაცია - მომხმარებლის მიერ პირადი ანგარიშის გამოყენებით მის პირად ანგარიშთან ან/და მომსახურებებთან დაკავშირებით განხორციელებული ნებისმიერი ოპერაცია.

უნივერსალური იდენტიფიკატორები - მომხმარებლის მიერ შპს „საბასთვის“ მიწოდებული მონაცემების ერთობლიობა (მომხმარებლის სახელი (login), ელ-ფოსტა, სოციალურ ქსელში ავტორიზაციის მონაცემები, მობილური ტელეფონის ნომერი, სახელი, გვარი, ასაკი, სქესი), რომელთაც იგი, საკუთარი შერჩებით, უთითებს იდენტიფიკაციის სისტემაში და რის საშუალებითაც შესაძლებლობა ეძლევა ისარგებლოს კომპანიის რიგი დისტანციური მომსახურებებით ან/და დისტანციური პროდუქტის არხებით;

წვდომის კოდ(ებ)ი - კოდები, პაროლები, მომხმარებლის სახელი, უნივერსალური იდენტიფიკატორები და/ან სხვა სახის კონფიდენციალური ინფორმაცია, რომელიც კომპანიამ შესაძლოა მიაწოდოს კლიენტს სხვადასხვა პროდუქტთან წვდომისათვის;

ხელშეკრულება - მომხმარებლებსა და კომპანიას შორის გაფორმებული ხელშეკრულება, რომელიც მოიცავს წინამდებარე წესებსა და პირობებს და მის დანართებს, ასეთის არსებობის შემთხვევაში.

სადაც კონტექსტი ამის საშუალებას იძლევა, მხოლობითი რიცხვის აღმნიშვნელი სიტყვები ნიშნავს მრავლობითს და პირიქით.

3. მომხმარებლის/გამყიდველის განცხადებები და გარანტიები

 

წინამდებარე წესებსა და პირობებზე თანხმობით, მომხმარებელი და გამყიდველი ადასტურებს და ეთანხმება, რომ:

1. ის არის ფიზიკური სრულ ქმედუნარიანი პირი (მინიმუმ 18 წლის) ან საქართველოს კანონმდებლობის შესაბამისად უფლებაუნარიანი იურიდიული პირი და ამავდროულად არ არის ევროკავშირის მოქალაქე ან ევროკავშირის წევრი ქვეყნის რეზიდენტი პირი ან ევროკავშირიში დაფუძნებული იურიდიული პირი და არ არის პირი, ვისთანაც ტრანზაქციები აკრძალულია ეკონომიკური ან სავაჭრო სანქციებით;
2. არ იმყოფება ნარკოტიკული, ალკოჰოლური, ფსიქოტროპული ან ტოქსიკური პრეპარატების ზემოქმედების ქვეშ, არ იმყოფება შეცდომის, თაღლითობის, ზეწოლის, მუქარისა ან ნებისმიერი მართლსაწინააღმდეგო ზემოქმედების ქვეშ და არ წარმოადგენს ძალადობის, მუქარის, მოტყუების, შეცდომაში შეყვანისა თუ სხვა აკრძალული მოქმედების ობიექტს კომპანიის ან ნებისმიერი მესამე პირის მხრიდან, სრულად აცნობიერებს საკუთარი ნების გამოვლენის შინაარსს, პირობების დებულებათა არსს და მისგან გამომდინარე სამართლებრივ შედეგებს;
3. გააჩნია სრული უფლებამოსილება (ან მიიღებს შესაბამის უფლებამოსილებას) იმისათვის, რომ ხელი მოაწეროს (ელექტრონულად ღილაკის მონიშვნით, თანხმობის გაცხადების გზით) და შეასრულოს ამ წესებით და პირობებით გათვალისწინებული ვალდებულებები;
4. გაეცნო წინამდებარე „წესებს და პირობებს“ და ეს პირობები არის მისთვის მისაღები;
5. მის მიერ წარმოდგენილი ყველა ინფორმაცია/მასალა არის ზუსტი და არ არის ყალბი, არაზუსტი, შეცდომაში შემყვანი ან/და ცილისმწამებლური;
6. არ არის ჩაბმული ან არ მონაწილეობს არცერთი იურისდიქციის კანონმდებლობით (რაც მოიცავს საქართველოს კანონმდებლობას და იმ ქვეყნის კანონმდებლობას, რომლის მოქალაქეც არის თავად) გათვალისწინებულ რაიმე სახის უკანონო საქმიანობაში (მათ შორის, ფულის გათეთრებაში, იარაღით ვაჭრობაში, ტერორიზმსა ან სხვა სახის უკანონო საქმიანობაში);
7. პირადი ანგარიშის (პროფილის) გახსნისას და ხელშეკრულების მოქმედების მთელი პერიოდისათვის მისი საქმიანობა ან/და ქმედება შესაბამისობაში არის/იქნება ადგილობრივ ან/და საერთაშორისო კანონმდებლობასთან;
8. მისი ქმედება არ არის/იქნება მიმართული კომპანიის ან/და ნებისმიერი მესამე პირის/მხარის მოტყუებისაკენ. აღნიშნული პრინციპის გათვალისწინებით ხელშეკრულების დასადებად ან მის საფუძველზე და შესასრულებლად, მის მიერ კომპანიისთვის წარდგენილი დოკუმენტი (ასეთის არსებობის შემთხვევაში) ან/და ინფორმაცია მისი წარმოდგენის მომენტისათვის ასევე არის/იქნება უტყუარი, ზუსტი და სრული;
9. იგი კეთილსინდისიერად, სრულად და ჯეროვნად შეასრულებს წინამდებარე წესებით და პირობებით ნაკისრ ვალდებულებებს;
10. იგი იცნობს და ეთანხმება შემდეგ პირობებს: ვინაიდან ჩვენ ვალდებულნი ვართ დავიცვათ მატერიალური თუ არამატერიალური სახის საკუთრების  ყველა მფლობელის უფლებები (ავტორი, გამომცემლობა ან ავტორის შემოქმედების მემკვიდრე), კოპმანიის პოლიტიკა გულისხმობს ნებისმიერი სახის არაკეთილსინდისიერ ქცევაზე (კანონდარღვევებზე) შესაბამის რეაგირებას. რაც გულისხმობს, რომ ჩვენ დაუყოვნებლივ, განმეორებითი გაფრთხილების გარეშე გავაუქმებთ ისეთი მომხმარებლის წვდომას კომპანიის პლატფორმებთან, რომელიც ჩვენ მიერ განმეორებით იქნება შემჩნეული კანონის დარღვევაში. განმეორებითი კანონდამრღვევი ისეთი მომხმარებელია, რომელიც კომპანიის მიერ ერთხელ უკვე იქნება გაფრთხილებული საავტორო უფლებების დარღვევის შესახებ.
11. პლატფორმისა და აპლიკაციის გამოყენების შემთხვევაში ადასტურებს რომ იგი:

• არ წაშლის, მწყობრიდან არ გამოიყვანს, არ დააზიანებს ან რაიმე სხვა ხერხით შეაფერხებს კომპანიის პლატფორმის ან აპლიკაციების და შემუშავებული პლატფორმის უსაფრთხოების მექანიზმების გამართულ მუშაობას, რისი საშუალებითაც იზღუდება და შეუძლებელი ხდება პლატფორმაზე ან/და აპლიკაციაზე ხელმისაწვდომი ტექსტური ან სხვა ციფრული მასალის  (გამონაკლისია, epub და mobi ფორმატში ხელმისაწვდომი მასალა) სხვა მიზნით  (გარდა პირადი მოხმარებისა: წაკითხვა, მოსმენა ციფრულ ფორმატში) გამოყენება, კოპირება, ამობეჭდვა და სხვა რაიმე გზით გაზიარების/გავრცელების შესაძლებლობა.

• არ გაყიდის, არ შეცვლის, საჯაროდ არ წარმოადგენს ან არ გადასცემს/გააგზავნის, არ გამოაქვეყნებს, არ დაარედაქტირებს, ადაპტირებას არ გაუკეთებს, ან რაიმე სხვა ხერხით, უფლების გარეშე არ გამოიყენებს კომპანიის პლატორმაზე/აპლიკაციაში არსებულ ტექსტურ თუ სხვა სახის ციფრულ მასალას, გარდა კომპანიისგან სპეციალურად მიღებული უფლების შემთხვევისა. ასეთი უკანონო და აკრძალული გამოყენების მცდელობის აღმოჩენისას კომპანიის აპლიკაცია/პლატფორმა პირველი მცდელობისას მომხმარებელს  5 წუთის განმავლობაში ეზღუდება წვდომა ტექსტური წიგნის შიგთავსზე, ხოლო შემდგომი გამოყენებისას 30 წუთის განმავლობაში. ასეთი ხშირი ქმედების დაფიქსირების შემთხვევაში კომპანია იტოვებს უფლებას მიმართოს კანონმდებლობითა და ამ დოკუმენტით განსაზღვრულ შესაბამის ზომებს. 
• არ ეცდება შეაღწიოს, გაშიფროს ან რაიმე სხვა გზით აღმოაჩინოს კომპანიის პლატფორმის/აპლიკაციების, მათი ნებისმიერი ნაწილის საწყისი კოდი. 

1. თანახმაა, პირადი ანგარიშის (პროფილის) გახსნის შემდგომ, ხელშეკრულების შეწყვეტამდე, კომპანიამ, მის მიერ გაცემული თანხმობის ფარგლებში მოიძიოს/გადაამოწმოს და დაამუშავოს მომხმარებლის მიერ მითითებული ან მასთან დაკავშირებული ნებისმიერი, მათ შორის პერსონალური ინფორმაცია ან/და უნივერსალური იდენტიფიკატორები;
2. დაუყოვნებლივ წერილობით აცნობებს კომპანიას ყველა იმ გარემოებ(ებ)ის შესახებ, რომელიც შეიძლება წინააღმდეგობაში მოვიდეს მის აღნიშნულ განცხადებებთან ან/და გამოიწვიოს აღნიშნული გარანტიების დარღვევა; 
3. ვებგვერდის/პლატფორმის დიზაინზე, პროგრამული უზრუნველყოფის ნაკრებზე, ძირითად პროგრამულ კოდზე, პროგრამული უზრუნველყოფასა და სხვა მასალაზე ვრცელდება საავტორო და სხვა ინტელექტუალური საკუთრების უფლებები და შესაბამისად, ექვემდებარება დაცვას; 
4. არ გამოიყენებს რაიმე პროგრამულ უზრუნველყოფას, რომელიც აღჭურვილია ხელოვნური ინტელექტით მომსახურების გამოყენებასთან მიმართებაში;
5. არ გადასცემს SABA-ს პლატფორმების პირად ანგარიშს და ID-ს მესამე პირს ჩვენი თანხმობის გარეშე;
6. არ გაავრცელებთ ან გამოაქვეყნებთ სპამს, არასასურველ/საზიანო ელექტრონული კომუნიკაციებს, ჯაჭვურ წერილებს ან პირამიდულ სქემებს;
7. არ განახორციელებს ისეთ ქმედებას, რომელიც:

18.1. არღვევს კომპანიის კონფიდენციალურობისა და ვებგვერდის გამოყენების პირობებსა და სტანდარტებსა;

18.2. არის უკანონო, დამაბნეველი, დისკრიმინაციული ან თაღლითური;

18.3. არღვევს ან ლახავს სხვების უფლებებს;

18.4. შეიცავს ვირუსებს ან მავნებელ კოდებს ან ნებისმიერ ინფორმაციას, რაც ზღუდავს, ართულებს ან აზიანებს ვებგვერდის/აპლიკაციის,  ან მისი კონტენტის ან ჩვენი სერვისების სათანადო მუშაობას ან გამართულობას;

18.5. მას ანიჭებს უნებართვო წვდომის ან ჩვენი ვებგვერდიდან ავტომატური საშუალებების გამოყენებით (ჩვენი წინასწარი თანხმობის გარეშე) ინფორმაციის შეგროვების ან ისეთ ინფორმაციაზე წვდომის საშუალებას, რაზედაც მას კომპანიისგან ნებართვა არ მიუღია.

19. იქ სადაც გთავაზობთ მესამე მხარის პროდუქციასა და სერვისზე წვდომას, ან ჰიპერბმულებს ვებგვერდებზე/პლატფორმაზე, ამას ვაკეთებთ ინფორმაციის მიწოდების მიზნით, იმის გათვალისწინებით, რომ მსგავსი ინფორმაცია ან საკითხები შეიძლება გამოსადეგი იყოს ჩვენი პლატფორმის მომხმარებელთათვის. ასეთი ბმულები არ წარმოადგენს მესამე მხარის მიერ ამ პლატფორმაზე განთავსებული მოსაზრებების, იდეების, პროდუქტების, ინფორმაციის ან სერვისების დადასტურებას. თქვენ იყენებთ მესამე მხარის ინფორმაციას ან /და ბმულს თქვენი რისკით და ჩვენ არ ვიღებთ (ვადასტურებთ) პასუხისმგებლობას ან ვალდებულებას ამ მესამე მხარის ინფორმაციის ან/და საიტების შინაარსის, გამოყენების ან ხელმისაწვდომობის შესახებ. ჩვენ არ ვადასტურებთ ასეთი მესამე მხარის მონაცემებს ან ინფორმაციის შინაარსს ან სიზუსტეს და არც იმის გარანტიას ვიძლევით, რომ ასეთი შინაარსი თავისუფალია საავტორო, სასაქონლო ნიშნის ან მესამე მხარის სხვა უფლებების დარღვევისაგან ან ასეთი მონაცემების შინაარსი თავისუფალია ვირუსების ან სხვა მავნებლობისგან. შესაბამისად, ჩვენ არ ვიძლევით არავითარ გარანტიას ან წარმომადგენლობას და არ გვეკისრება პასუხისმგებლობა ნებისმიერი მესამე მხარის მიერ მოწოდებული ნებისმიერი ელექტრონული ინფორმაციის შესახებ (მის შინაარსზე), მათ შორის, შეზღუდვის გარეშე, ნებისმიერი ელექტრონული შინაარსის სიზუსტის, საგნის, ხარისხის ან დროულობის თაობაზე.
20. კომპანია არ არის პასუხისმგებელი, მათ შორის: 

20.1. კომპანიისთვის მიწოდებული ნებისმიერი ინფორმაციის სიზუსტეზე და ასეთი უზუსტობით გამოწვეულ ნებისმიერ ზიანზე;

20.2. პლატფორმებზე განთავსებულ პროდუქტთან დაკავშირებული ნებართვის/ლიცენზიის/სერთიფიკატის არსებობაზე, თუ მისი არსებობა გათვალისწინებულია შესაბამისი კანონმდებლობით.

21.   პლატფორმაზე ტექნიკური პრობლემის/შეფერხების გამო დამდგარ შედეგზე.
22. კომპანია ხელშეკრულებას დებს ამ პირობებში მოცემულ განცხადებებსა, გარანტიებსა და ვალდებულებებზე დაყრდნობით და თვლის მათ ხელშეკრულების პირობებად. შესაბამისად, ხელშეკრულების დადების შემდეგ წინამდებარე მუხლით გათვალისწინებული განცხადებების, გარანტიებისა და ვალდებულებების დარღვევა საკმარისი საფუძველია კომპანიის მიერ ხელშეკრულებით და პირობებით გათვალისწინებული ყველა ან ნებისმიერი პროდუქტის მიწოდებაზე ან/და მომსახურების გაწევაზე ცალმხრივი უარის სათქმელად;
23. იმ შემთხვევაში თუ რომელიმე გამომცემელი კომპანიას მოსთხოვს/დაავალდებულებს ამოიღოს წიგნ(ებ)ი (ნებისმიერი ფორმატის) პლატფორმიდან/აპლიკაციიდან, მომხმარებელი ვეღარ შეძლებს აღნიშნული წიგნ(ებ)ის აღებას (მათ შორისაც თუ აღნიშნული წიგნ(ებ)ი მომხმარებელს დამატებული აქვს „ფავორიტებში“). მოცემულ შემთხვევაში კომპანია არ არის პასუხისმგებელი შედეგებზე. 
24. ზემოთ მოცემულ 23-ე პუნქტის წესები არ მოქმედებს, როდესაც გამომცემლობის მიერ ასაღებად მოთხოვნილი წიგნ(ებ)ი მომხმარებელს უკვე აღებული აქვს აპლიკაციაში ან შეძენილი აქვს პლატფორმაზე. ასეთ დროს მომხმარებელს სრულად უნარჩუნდება მათზე წვდომა. 
25.   კომპანია თავისუფლდება ყოველგვარი პასუხისმგებლობისგან, რომელიც შეიძლება მოჰყვეს მომხმარებლის ნებისმიერ ქმედებას, მომხმარებლის მიერ რომელიმე ხელშეკრულების, მათ შორის ამ წესებისა და პირობების დარღვევას, მოქმედ კანონმდებლობასა და რეგულაციებთან შეუსაბამობას და ა.შ.
26. მომხმარებლის ანგარიშის გახსნა

• აპლიკაციით სარგებლობისთვის მომხმარებელი ვალდებულია გაიაროს რეგისტრაცია და განაცხადოს თანხმობა წინამდებარე პირობებსა და პერსონალური მონაცემების დამუშავების პოლიტიკაზე.
• სოციალურ ქსელებში (Facebook, Google) არსებული ანგარიშის ან Apple/Android ID-ს ავტორიზაციის მონაცემების შეყვანით; ან
• სახელის, გვარის, ელექტრონული ფოსტისა და პაროლის შეყვანით.
• რეგისტრაციის წარმატებით დასასრულებლად საჭიროა ვერიფიკაცია - მობილური ტელეფონის ნომრის დადასტურება სპეციალური კოდის მეშვეობით.
• რეგისტრაციის დასასრულებლად და პირადი ანგარიშის (პროფილის) გასააქტიურებლად მომხმარებელმა სავალდებულო წესით უნდა მონიშნოს ველი, რომ ეთანხმება კომპანიის კონფიდენციალობის პოლიტიკას და  წინამდებარე წესებსა და პირობებს;
• რეგისტრაციის დასრულების შემდეგ მომხმარებელი უფლებამოსილია ისარგებლოს პლატფორმებზე განთავსებული ან/და კომპანიის მიერ შემოთავაზებული მომსახურებით/სერვისებით;
• მომხმარებელი ვალდებულია ყოველთვის უსაფრთხოდ შეინახოს მისი პირადი ანგარიშის წვდომის კოდები და არასდროს გაუმჟღავნოს ისინი მესამე პირებს. ამასთან, უსაფრთხოებიდან გამომდინარე, კომპანია რეკომენდაციას აძლევს მომხმარებელს, შეარჩიოს რთული პაროლი, რომელიც შედგება ციფრების, სხვადასხვა სიმბოლოებისა და ასოებისაგან და პერიოდულად უზრუნველყოს მისი განახლება.
• მომხმარებელი კისრულობს სრულ პასუხისმგებლობას მისი ანგარიშით განხორციელებულ ნებისმიერ ქმედებაზე. იმ შემთხვევაში, თუ პირი სხვისი სახელითა და მითითებით ახორციელებს წვდომას მომხმარებლის ანგარიშზე, იგულისხმება, რომ მას გააჩნია საკმარისი უფლებამოსილება, მომხმარებელს დააკისროს განსაზღვრული ვალდებულებები. კომპანია არ არის პასუხისმგებელი მესამე პირის მიერ მომხმარებლის ანგარიშზე წვდომისას დამდგარ ზიანზე;
• მომხმარებლის მიერ აპლიკაციაში (SABA Reader) შეძენილი გამოწერის სერვისი და გამოწერის შედეგად აღებული წიგნებით სარგებლობა შესაძლებელია მხოლოდ აპლიკაციაში.  ვებ-გვერდზე (saba.com.ge) წიგნების შეძენა/გამოყენება ხდება აპლიკაციისგან დამოუკიდებლად. 
• მომხმარებელი ვალდებულია დაუყოვნებლივ დაუკავშირდეს კომპანიის კლიენტთა მომსახურების ცენტრს ტელეფონის ნომერზე: 511 14 00 88 ან ელ-ფოსტის ([email protected]) საშუალებით იმ შემთხვევაში თუ გააჩნია საფუძვლიანი ეჭვი, რომ მის პირად ანგარიშზე შესასვლელი ინფორმაცია, პაროლი ან უსაფრთხოების სხვა წვდომის კოდ(ებ)ი ან საშუალებები იქნა მოპარული, დაკარგული, უკანონოდ მითვისებული, უნებართვოდ გამოყენებული ან სხვაგვარად მითვისებული. აღნიშნული ვალდებულების შეუსრულებლობა საფრთხეს შეუქმნის როგორც მომხმარებლის პირადი ანგარიშის უსაფრთხოებას, ასევე გამოიწვევს მის პასუხისმგებლობას ნებისმიერ დანაკარგთან/ზარალთან დაკავშირებით;
• პირადი ანგარიშის გახსნით, მომხმარებელი აცხადებს და გარანტიას იძლევა, რომ მის მიერ პირადი ანგარიშის გახსნით არ არღვევს არანაირ კანონს, რეგულაციას ან მესამე პირთა უფლებებს. იგი ვალდებულია დაიცვას კომპანიის ინტერესები და აუნაზღაუროს კომპანიას მომხმარებლის მიერ წინამდებარე პუნქტით გათვალისწინებული მოთხოვნების დარღვევის შედეგად მიყენებული ზიანი (ასეთის არსებობის შემთხვევაში).
• მომხმარებელი ვალდებულია, უზრუნველყოს მის პირად ანგარიშზე არსებული ინფორმაციის სიზუსტე და მისი განახლება. შპს „საბა“ არ იქნება პასუხისმგებელი მომხმარებლის მიერ აღნიშნული ვალდებულების შეუსრულებლობით გამოწვეულ რაიმე სახის ზიანზე. კომპანია უფლებამოსილია, ნებისმიერ დროს მოითხოვოს მომხმარებლისგან ინფორმაციის სისწორის დადასტურება ან დოკუმენტების ან სხვაგვარი მტკიცებულების წარმოდგენა.
• მომხმარებელი უფლებამოსილია ნებისმიერ დროს მოითხოვოს მისი ანგარიშის (პროფილის) დახურვა/გაუქმება. ანგარიშის (პროფილის) დახურვის პროცედურა განისაზღვრება წინამდებარე წესების და პირობების დანართი 1-ით (ქვემოთ იხ. დანართი 1 ანგარიშის (პროფილის) დახურვის პროცედურა). 
• აკრძალულია მომხმარებლის სახელში ნებისმიერი სახის შეურაცხმყოფელი ფრაზის მითითება.

5. იდენტიფიკაციის სისტემაში რეგისტრირებული უნივერსალური იდენტიფიკატორები

• მომხმარებლის სახელი - რეგისტრაციისას მითითებული ელ-ფოსტის მისამართი ან ტელეფონის ნომერი;
• პაროლი – ავტორიზაციის განხორციელებისათვის საჭირო ერთ-ერთი პარამეტრი, რომელსაც მომხმარებელი თვითონ განსაზღვრავს; სტანდარტული რეგისტრაციის შემთხვევაში, მომხმარებელი უფლებამოსილია საკუთარი სურვილისამებრ შეცვალოს პაროლი;
• მობილური ტელეფონის ნომერი – ტელეფონის ნომერი, რომელზეც მომხმარებელი იღებს ცენტრალიზებული დისტანციური მომსახურებით განსაზღვრული ოპერაციების წარმოებისთვის საჭირო ერთჯერადი წვდომის კოდებსა და ერთჯერად პაროლებს (ასეთის არსებობის შემთხვევაში), აგრეთვე კომპანიისგან იღებს შეტყობინებებს;
• მომხმარებლის ელექტრონული ფოსტის მისამართი - ელექტრონული ფოსტის მისამართი, რომელზეც მომხმარებელი იღებს მომსახურებით განსაზღვრული ოპერაციების წარმოებისთვის საჭირო წვდომის კოდებსა და პაროლებს (ასეთის არსებობის შემთხვევაში), აგრეთვე შეტყობინებებს კომპანიისაგან;
• მომსახურების გაუმჯობესებისა ან/და უსაფრთხოების მიზნებისთვის კომპანიამ შესაძლებელია განსაზღვროს დამატებითი ან განსხვავებული მომხმარებლის იდენტიფიკატორები, რის შესახებაც მომხმარებელს ეცნობება დამატებით.

6. ავტორიზაცია

• ანგარიშის რეგისტრაციისა და ვერიფიკაციის შემდეგ, აპლიკაციის გამოყენების მიზნით მომხმარებელი გადის ავტორიზაციას.
• ავტორიზაცია ხორციელდება მომხმარებლის მიერ დაფიქსირებული ელ-ფოსტის/ტელეფონის ნომრისა და პაროლის ან სოციალურ ქსელებში (Facebook, Google) არსებული ანგარიშის ან Apple/Android ID-ს საფუძველზე.
• ავტორიზაციის შემდეგ მომხმარებელი ვებგვერდის საშუალებით გადადის მთავარ გვერდზე, საიდანაც მას შეუძლია მიიღოს სხვადასხვა ინფორმაციაზე წვდომა განთავსებული ნავიგაციის ღილაკების მეშვეობით.
• მომხმარებლისთვის შესაძლებელია აპლიკაციით სარგებლობა ერთდროულად არაუმეტეს 3 (სამი) ელექტრონული მოწყობილობის საშუალებით. თუ მომხმარებელი ერთდროულად იყენებს 3 ელექტრონული მოწყობილობას და სურს მე-4 მოწყობილობით შესვლა, ამისთვის საჭიროა მომხმარებელი გამოვიდეს ერთ-ერთი მოწყობილობიდან; წინააღმდეგ შემთხვევაში, აპლიკაცია მომხმარებლის ანგარიშზე წვდომას შეწყვეტს იმ ელექტრონული მოწყობილობისთვის, რომლითაც ყველაზე ადრე ფიქსირდება აპლიკაციაზე წვდომა. ასევე, კომპანია უფლებამოსილია მომხმარებლის ანგარიშზე წვდომა მყისიერად შეუწყვიტოს ნებისმიერ და ყველა ელექტრონულ მოწყობილობას, თუკი კომპანიის წარმომადგენლებს ექნებათ საფუძვლიანი ეჭვი, რომ ანგარიშით სარგებლობს არა ანგარიშის მფლობელი, არამედ არაუფლებამოსილი მესამე პირი.

7. კომპანიის პასუხისმგებლობის შეზღუდვა

• თქვენ თანხმდებით, რომ თავისუფალი ხართ არჩევანში ისარგებლოთ თუ არა მომსახურებით და ამას აკეთებთ თქვენი შეხედულებით, დისკრეციითა და რისკით.
• ჩვენ უზრუნველვყოფთ მომსახურების გაწევას შესაბამისი კვალიფიკაციითა და ზრუნვით და წინამდებარე შეთანხმებაში აღწერილი პირობების შესაბამისად. ჩვენ არავითარ სხვა დაპირებასა და გარანტიას არ ვიძლევით მომსახურებასთან ან რაიმე პროდუქტთან ან სერვისთან დაკავშირებით, რომელიც არ შეადგენს მომსახურების ნაწილს, შესაბამისად, გამოვრიცხავთ (კანონით დადგენილ ფარგლებში) ჩვენს პასუხისმგებლობას აღნიშნულთან დაკავშირებით (მათ შორის, ნაგულისხმევ გარანტიებს, დამაკმაყოფილებელ ხარისხს ან/და თქვენს მიზნებთან შესაბამისობას) კერძოდ, ჩვენ არ ვიძლევით გარანტიას, რომ ვებგვერდი ან/და მომსახურება იქნება მუდმივად ხელმისაწვდომი ან არ ექნება პროგრამული შეცდომები, ვირუსები ან სხვა შეცდომები.
• კომპანია არ არის პასუხისმგებელი თქვენს ან ნებისმიერი პირის წინაშე სახელშეკრულებო, გაუფრთხილებელი, დელიქტური ან სხვა სახით, ნებისმიერი დანაკარგისა და ზიანისთვის, რომელიც წარმოიშვა, ან რაიმე ფორმით დაკავშირებული არის, თქვენს ან ნებისმიერ მესამე პირის მიერ მომსახურების გამოყენებასთან, პირდაპირ ან არაპირდაპირ, მათ შორის, შეზღუდვის გარეშე, ზიანი ბიზნესის დაკარგვისთვის, მოგების დაკარგვისთვის (მათ შორის მოსალოდნელი მოგების დაკარგვის ან მიუღებლობისთვის) ბიზნეს საქმიანობის შეწყვეტისთვის, ან სხვა ფულადი ან არსებითი/ნივთობრივი დანაკარგისთვის. კომპანიის პასუხისმგებლობა მომხმარებლის წინაშე ვრცელდება კომპანიის ვალდებულებების განზრახ, ბრალეულ დარღვევაზე და გულისხმობს ამგვარი დარღვევის შედეგად დამდგარი პირდაპირი ზიანის (ასეთის არსებობის შემთხვევაში) ანაზღაურების ვალდებულებას.
• კომპანია არ არის პასუხისმგებელი თქვენს ან ნებისმიერი პირის წინაშე, სახელშეკრულებო, გაუფრთხილებელი, დელიქტური ან სხვა სახით, დანაკარგისა და ზიანისთვის რომელიც წარმოიშვა, ან რაიმე ფორმით დაკავშირებული არის, თქვენს მიერ საიტზე არსებული ნებისმიერი ბმულის გამოყენებასთან. კომპანია არ არის პასუხისმგებელი ინტერნეტ ვებგვერდის ბმულის შინაარსზე, რომელზეც გადამისამართდებით ვებგვერდიდან ან მისი მომსახურებიდან.
• თქვენ ადასტურებთ, რომ კომპანია არ იქნება პასუხისმგებელი თქვენს ან მესამე პირის წინაშე რაიმე ცვლილების, მომსახურების შეჩერების ან შეწყვეტის შემთხვევაში.
• თქვენ ეთანხმებით, რომ იმ შემთხვევაში, თუ მომსახურება, რომელიც ეკუთვნის კომპანიას ან მომსახურების მომწოდებლებს ან ვებგვერდს, არ იმუშავებს გამართულად, ოპერაციის, ტრანზაქციის ან ტრანსმისიის შეფერხების ან შეწყვეტის, მონაცემების ან კონტაქტის ან ხაზების დაკარგვის ან დაზიანების, მესამე პირთა მიერ საიტის ან მისი შემადგენლობის მესამე პირთა მიერ უკანონო გამოყენების, ან ნებისმიერ ჩვენს კონტროლს მიღმა არსებული გარემოების შემთხვევაში:

• კომპანია არ არის პასუხისმგებელი ნებისმიერი დანაკარგისთვის, მათ შორის მოგების დაკარგვისთვის, რომელიც გამოიწვის ზემოაღნიშნულმა, და ასეთი დანაკარგი არ ანაზღაურდება;
• თუ რაიმე ასეთი შეცდომა გამოიწვევს თქვენი მოგების ან თქვენთვის გადასახდელი მოგების გაზრდას, თქვენ არ გაქვთ უფლება მიიღოთ ასეთი მოგება. თქვენ დაუყოვნებლივ უნდა შეატყობინოთ კომპანიას ასეთი შეცდომის შესახებ და დაუბრუნოთ კომპანიას ასეთი შეცდომის შედეგად თქვენს ანგარიშზე ჩარიცხული ყველანაირი მოგება (კომპანიის მითითების შესაბამისად) ან კომპანიამ შესაძლოა, თავისი შეხედულებისამებრ, ჩამოგაჭრათ თქვენი ანგარიშიდან აღნიშნული მოგების ოდენობითი თანხა.

8. ხელშეკრულების მოქმედების ვადა და შეწყვეტა

• წინამდებარე ხელშეკრულება ძალაში შედის მომხმარებლის მიერ ამ წესებსა და პირობებზე და პერსონალური მონაცემების დამუშავების პოლიტიკაზე თანხმობის გაცხადების შემდეგ და ძალაში რჩება მომხმარებლის რეგისტრაციის გაუქმებამდე.

ხელშეკრულება შეიძლება შეწყდეს საქართველოს კანონმდებლობით ან/და ამ ხელშეკრულებით გათვალისწინებულ შემთხვევებში ან მომხმარებლის ინიციატივით ნებისმიერ დროს, შეწყვეტის მომენტისათვის კომპანიის წინაშე არსებული დავალიანების (ასეთის არსებობის შემთხვევაში) სრულად დაფარვის საფუძველზე. (იხ.: დანართი N1- ანგარიშის (პროფილის) დახურვის პროცედურა)

9. მარეგულირებელი კანონმდებლობა და დავების გადაწყვეტის წესი

• წინამდებარე პირობები რეგულირდება და განიმარტება საქართველოს კანონმდებლობის შესაბამისად;
• მხარეთა მიერ, პირობების შესრულების ადგილად მიჩნეულია ქ. თბილისი, ხოლო დავას განიხილავს თბილისის საქალაქო სასამართლო;

10. პერსონალური მონაცემების დამუშავებისა და დაცვის პოლიტიკა

• გთხოვთ, ყურადღებით გაეცნოთ პერსონალური მონაცემების დამუშავების პოლიტიკას. ჩვენი პლატფორმით სარგებლობით თქვენ ადასტურებთ, რომ გაეცანით და ეთანხმებით პერსონალური მონაცემების დამუშავების პოლიტიკასა და პლატფორმით სარგებლობის ყველა პირობას.
• პერსონალური მონაცემების დამუშავების პოლიტიკა ეხება პერსონალურ მონაცემებზე არასანქცირებულ წვდომასთან დაკავშირებულ და კომპანიაში არსებულ მექანიზმებს, რომელთა საშუალებითაც კომპანია უზრუნველყოფს თქვენი პერსონალური მონაცემების დაცვასა და დამუშავებას.
• კომპანია მაქსიმალურად ზრუნავს თქვენი პერსონალური მონაცემების უსაფრთხოებასა და გაუმჟღავნებლობაზე, მაგრამ იმ ფაქტის გათვალისწინებით, რომ თქვენი მონაცემების დისტანციურად მოწოდების პროცესი არ არის დაშიფრული, კომპანია არ არის პასუხისმგებელი მესამე პირების მიერ თქვენი მონაცემების არასანქცირებულ წვდომაზე ამ მონაცემების მიწოდების დროს.

11. თაღლითობის/საეჭვო შემთხვევის დაფიქსირების წესი

• კომპანიის პლატფორმაზე უჩვეულო ან საეჭვო ტრანზაქციების დაფიქსირების შემთხვევაში გთხოვთ, დაუკავშირდეთ კომპანიის კლიენტთა მომსახურების ცენტრს ან მიმართოთ კომპანიას ელექტრონული შეტყობინების გზით მე-13 მუხლში (კომუნიკაცია)  მითითებულ საკომუნიკაციო არხებზე.
• თუ თქვენ მიგაჩნიათ, რომ თქვენს პირად ანგარიშზე შესასვლელი ინფორმაცია, პაროლი ან უსაფრთხოების სხვა წვდომის კოდ(ებ)ი ან საშუალებები იქნა მოპარული, დაკარგული, უკანონოდ მითვისებული, უნებართვოდ გამოყენებული ან სხვაგვარად მითვისებული, დაუყოვნებლივ დაუკავშირდით კომპანიის კლიენტთა მომსახურების ცენტრს 511 14 00 88 [email protected] ამასთანავე, თქვენ დაუყოვნებლივ უნდა მოახდინოთ თქვენი წვდომის კოდ(ებ)ის შეცვლა და ახლით ჩანაცვლება. აღნიშნული ვალდებულების შეუსრულებლობა საფრთხეს შეუქმნის თქვენი პირადი ანგარიშის (პროფილის)  უსაფრთხოებას. კომპანია არ არის პასუხისმგებელი აღნიშნულ შემთხვევებში დამდგარ ნებისმიერ დანაკარგთან/ზარალთან დაკავშირებით;

12. წინამდებარე პირობებში ცვლილებების შეტანა

• წინამდებარე პირობები შესაძლებელია დაექვემდებაროს ცვლილებებს. ცვლილებები განხორციელებულ იქნება კომპანიის მხრიდან წინამდებარე ხელშეკრულების მე-13 მუხლის პირობების შესაბამისად.

13. ერთიანი ხელშეკრულება

• წინამდებარე წესები და პირობები მომხმარებლებსა და კომპანიას შორის დადებულ სხვა ხელშეკრულებებთან ერთად წამოადგენს ერთიან და მთლიან შეთანხმებას ვებგვერდთან ან/და სერვისებთან დაკავშირებით და ანაცვლებს ვებგვერდთან ან/და სერვისებთან დაკავშირებულ ყველა წინარე და პარალელურ რეჟიმში განხორციელებულ კომუნიკაციას, აღქმას, ასევე წერილობით ან ზეპირ განცხადებებსა და გარანტიებს.

14. კომუნიკაცია

ნებისმიერი საკითხის/პრეტენზიის დასაფიქსირებლად თქვენ შეგიძლიათ მიმართოთ  კომპანიის კლიენტთა მომსახურების ცენტრს ან მიმართოთ კომპანიას ელექტრონული შეტყობინების გაგზავნის გზით: +995 511 14 00 88 ან [email protected]

15. გარდამავალი დებულებები

15.1 წინამდებარე პირობებში აღნიშნული სათაურები გამოიყენება მხოლოდ მოხერხებულობისთვის და არ აქვს ზეგავლენა პირობების განმარტებასა და ინტერპრეტაციაზე;

15.2 კომპანია უფლებამოსილია, სათანადო საფუძვლის არსებობისას ან/და ლეგიტიმური მიზნით, მოსთხოვოს მომხმარებელს, ხოლო ასეთი მოთხოვნის შემთხვევაში მომხმარებელი ვალდებულია მას მიაწოდოს ნებისმიერი დამატებითი ინფორმაცია და ასევე წარმოადგინოს შესაბამისი დამადასტურებელი დოკუმენტები, რომლებსაც კომპანია მოითხოვს ან განსაზღვრულია საქართველოს კანონმდებლობით;

15.3. თუ წინამდებარე პირობების რომელიმე პუნქტი ან მისი ნაწილი რაიმე მიზეზით იქნა გაუქმებული, ბათილად ცნობილი ან შეწყვეტილი, აღნიშნული პუნქტი ან მისი ნაწილი აღარ იქნება გამოყენებული, რაც არ იქონიებს გავლენას პირობების დანარჩენი პუნქტების ნამდვილობაზე;

15.4. კომპანიას უფლება აქვს ცალმხრივად შეიტანოს ცვლილებები ამ პირობების ტექსტში; მომხმარებელს, ამგვარი ცვლილების შესახებ ეცნობება აპლიკაციაში განთავსების გზით.

15.5. მომხმარებელს უფლება ექნება აპლიკაციაში ინფორმაციის განთავსებიდან 10 (ათი) კალენდარული დღის გასვლამდე ნებისმიერ დროს შეწყვიტოს ამ წესებისა და პირობების მოქმედება ამ ხელშეკრულების 8.2 პუნქტით გათვალისწინებული წესით. ამ პუნქტით მინიჭებული უფლების განხორციელების (გამოყენების) შემთხვევაში მომხმარებელი ვალდებული იქნება ამ ხელშეკრულების მოქმედების შეწყვეტის შესახებ წერილობითი შეტობინების კომპანიისთვის გაგზავნიდან არაუგვიანეს 5 (ხუთი) კალენდარული დღისა სრულად დაფაროს კომპანიის წინაშე არსებული დავალიანება (ასეთის არსებობის შემთხვევაში).

15.6. იმ შემთხვევაში, თუ მომხმარებელი არ ისარგებლებს ამ ხელშეკრულების 13.5 პუნქტში აღწერილი უფლებით, კომპანიის მიერ შეთავაზებული ცვლილებები (დამატებები) ჩაითვლება მომხმარებლის მიერ მიღებულად, ხელშეკრულება კი შეცვლილად, შეთავაზებული პირობების შესაბამისად. კომპანიას უფლება აქვს ცვლილება, რომელიც არ აუარესებს მომხმარებლის მდგომარეობას ძალაში შეიყვანოს კომპანიის აპლიკაციაში მისი განთავსებისთანავე.

15.7 მხარეები თანხმდებიან, რომ თუ წინამდებარე ან/და მის საფუძველზე გაფორმებული ნებისმიერი დამატებითი ხელშეკრულების პირობების ცვლილებას კომპანია განახორციელებს მომხმარებლის სასარგებლოდ, კომპანია არ არის ვალდებული წინასწარ აცნობოს მომხმარებელს ცვლილების შესახებ. შემდგომ ვებგვერდის პირველივე გამოყენებისას გამოუჩნდება ფანჯარა განახლებული წესებითა და პირობებით/პერსონალურ მონაცემებთა დამუშავების პოლიტიკ(ებ)ით; მომხმარებელი ვებგვერდით სარგებლობის გაგრძელებას შეძლებს მხოლოდ თანხმობის ხელახლა გაცხადების შემდეგ;

15.8. მომხმარებელი კომპანიის წერილობითი თანხმობის გარეშე, არ არის უფლებამოსილი ამ პირობებიდან გამომდინარე უფლებები და მოთხოვნები გადასცეს ან ვალდებულებები გადააკისროს სხვა პირს;

15.9 იმ შემთხვევებში, რომლებიც არ არის გათვალისწინებული პირობებით, მხარეები იხელმძღვანელებენ კანონმდებლობით დადგენილი შესაბამისი ურთიერთობის მარეგულირებელი ნორმებით ან/და დამატებით შეთახმებული პირობებით;

16. არსებული პაკეტები, აპლიკაციით სარგებლობა და ბალანსი

• 2-წიგნიანი პაკეტი - კლასიკ პაკეტით შესაძლებელია ნებისმიერი 2 ელექტრონული ან ხმოვანი წიგნის აღება. აღებული წიგნების ჩანაცვლება ნებისმიერ დროს არის შესაძლებელი.
• 4-წიგნიანი პაკეტი - პრემიუმ პაკეტით შესაძლებელია ნებისმიერი 4 ელექტრონული ან ხმოვანი წიგნის აღება. აღებული წიგნების ჩანაცვლება ნებისმიერ დროს არის შესაძლებელი.
• პაკეტით განსაზღვრული ლიმიტის მიღწევის შემთხვევაში, პარამეტრების განყოფილებიდან, „პაკეტის მართვის“ გვერდზე შესაძლებელია სასურველი რაოდენობის წიგნის დაბრუნება, ახლით ჩანაცვლება ან მომდევნო პაკეტის არჩევა (ასეთის არსებობის შემთხვევაში).
• თუ მომხმარებელი პაკეტის შეცვლას გადაწყვეტს, ახალი პაკეტის საფასური მითითებული ბარათიდან მაშინვე ჩამოიჭრება და მხოლოდ ამ ახალი პაკეტით სარგებლობას განაგრძობს. კლასიკის ყოველთვიური პაკეტიდან მომხმარებელს ნებისმიერ სხვა პაკეტზე შეუძლია გადასვლა, კლასიკის წლიური პაკეტიდან მხოლოდ პრემიუმის წლიურ პაკეტზე გადასვლაა შესაძლებელი. პრემიუმის ყოველთვიური პაკეტიდან შესაძლებელია მხოლოდ პრემიუმის წლიურ პაკეტზე გადასვლა და პრემიუმის წლიური პაკეტიდან სხვა პაკეტზე გადასვლა შესაძლებელი არაა. 
• თითოეული პაკეტის ჩართვის შემთხვევაში ხელმისაწვდომია 14-დღიანი უფასო ვერსია და პაკეტის საფასურის ჩამოჭრა მოხდება მხოლოდ მე-15 დღეს, თუ მომხმარებელი „პაკეტის მართვის“ გვერდიდან არ გააუქმებს/გათიშავს პაკეტის ავტომატური განახლების ფუნქციონალს. უფასო ვერსია ერთჯერადია ყოველი მომხმარებლისთვის და მხოლოდ ერთხელ შეიძლება მისით სარგებლობა.  
• ყოველთვიური და ყოველწლიური პაკეტის ავტომატური განახლების მართვა შესაძლებელია პარამეტრების განყოფილებიდან, „პაკეტის მართვის“ გვერდზე.
• ყოველთვიური პაკეტის შეძენის ნაცვლად შესაძლებელია, ასევე, 1 წლიანი პაკეტის შეძენა, რომლის აქტივაციის შემთხვევაშიც მოქმედებს -25% ფასდაკლება.
• აპლიკაციით სარგებლობა შესაძლებელია ინტერნეტის გარეშეც. ამისათვის მომხმარებელმა wifi-ის ან მობილური ინტერნეტის გამოყენებით წინასწარ ლოკალურად უნდა ჩამოტვირთოს შესაბამისი წიგნი პირად ბიბლიოთეკაში.
• ვებ-გვერდზე მომხმარებელს შესაძლებლობა აქვს სურვილის შემთხვევაში შეავსოს საკუთარი ბალანსი მობაილბანკიდან ან საქართველოში არსებული გადახდის აპარეტებიდან. მომხმარებელს აღნიშნული თანხა შეუძლია გამოიყენოს მხოლოდ ვებ-გვერდზე ელექტრონული წიგნების შესაძენად. 
• გამონაკლის შემთხვევაში, თუ მომხმარებელს სურს აღნიშნული საბალანსო თანხით აპლიკაციის (SABA Reader) რომელიმე პაკეტის გამოწერა, ამისათვის უნდა მიმართოს უშუალოდ კომპანიას. 
• მომხმარებლის მიერ 3 წლის განმავლობაში ზედიზედ ბალანსზე არსებული თანხის გამოუყენებლობის შემთხვევაში ბალანსზე რიცხული თანხა უქმდება. 
• ბალანსზე ჩარიცხული თანხა მომხმარებელს უკან არ უბრუნდება.

17. თანხის დაბრუნების პირობები

• პაკეტის საფასურის უკან დაბრუნება შესაძლებელია მხოლოდ თანხის ჩამოჭრიდან არაუგვიანეს 24 საათის განმავლობაში, მომხმარებლის ნებისმიერი საკომუნიკაციო არხით მოთხოვნის დაფიქსირების საფუძველზე; თანხა მითითებულ ბარათზე დაბრუნდება 5 სამუშაო დღის განმავლობაში.
• წინამდებარე ხელშეკრულებაზე ელექტრონული ხელმოწერით ვადასტურებ, რომ გავეცანი წესებსა და პირობებს, მათ შორის პერსონალურ მონაცემთა დამუშავების პოლიტიკას და ვეთანხმები მათ. 

დანართი N1

ანგარიშის (პროფილის) დახურვის პროცედურა

• SABA Reader აპლიკაციიდან პირადი ანგარიშის (პროფილის) დასახურად უნდა ეწვიოთ პარამეტრების, ხოლო შემდეგ - პირადი ინფორმაციის განყოფილებას და დააწვეთ ანგარიშის წაშლას.
• თქვენ (მომხმარებელი) უფლებამოსილი ხართ ნებისმიერ დროს კომპანიის პლატფორმაზე მომხმარებლის რეგისტრირებული ელ-ფოსტიდან კომპანიის ელექტრონულ ფოსტის მისამართზე (იხ. მე-13 მუხლში (კომუნიკაცია)  მითითებულ საკომუნიკაციო არხები) წერილობითი მიმართვით მოითხოვოთ თქვენი ანგარიშის (პროფილის) დახურვა და მონაცემების წაშლა.
• ანგარიშის (პროფილის) დახურვის მოთხოვნამდე დარწმუნდით, რომ ყველა თქვენი ვალდებულება შესრულებულია და არ გიფიქსირდებათ მიმდინარე დავალიანება ან ვალდებულება კომპანიის მიმართ.
• თქვენი მომართვის დაფიქსირებიდან 10 სამუშაო დღის ვადაში ჩვენ მოვახდენთ თქვენი მოთხოვნის შესრულებას - თქვენი ანგარიშის (პროფილის) დახურვასა და მონაცემების წაშლას.

დახურულ ანგარიშზე არსებული პერსონალური მონაცემების რეგულირება: 

• თქვენი პერსონალური მონაცემების წაშლის უფლება განისაზღვრება პერსონალურ მონაცემების დაცვის შესახებ საქართველოს მოქმედი კანონით. 
• კომპანია ახდენს თქვენი პერსონალური მონაცემების წაშლას ისეთი მეთოდებით როგორიცაა დაშიფვრა და ფსევდონიმიზაცია. თქვენი მხრივ, თქვენ უნდა გაასუფთაოთ ქეში, ქუქი ფაილები და ისტორია თითოეული ბრაუზერისგან, რომელიც გამოიყენეთ კომპანიის ანგარიშზე შესასვლელად. თუ თქვენ ჩამოტვირთეთ კომპანიის აპლიკაცია თქვენს ნებისმიერ მოწყობილობაზე, თქვენ უნდა წაშალოთ ის.
• ანგარიშის (პროფილის) დახურვის შესახებ თქვენ კომპანიისგან მიიღებთ შესაბამის შეტყობინებას.

ანგარიშის (პროფილის) დახურვისა და პერსონალური მონაცემების წაშლის საგამონაკლისო შემთხვევები.

• ჩვენ არ შეგვიძლია დავხუროთ ან წავშალოთ თქვენი ანგარიში/მონაცემები თუ:

• თქვენ გიფიქსირდებათ მიმდინარე ვალდებულება/დავალიანება კომპანიის/გამყიდველის/მომსახურების მიმწოდებლის/მყიდველის მიმართ;
• ანგარიშთან დაკავშირებული მონაცემები საჭიროა თაღლითური ან უკანონო ქმედებების გამოვლენის/თავიდან აცილების/შემსუბუქების ან გამოძიების მიზნით;
• ანგარიშთან დაკავშირებული მონაცემები საჭიროა ჩვენთვის რელევანტური კანონებისა და რეგულაციების შესასრულებლად;
• ანგარიშთან დაკავშირებული მონაცემები საჭიროა საჩივრებზე რეაგირების მოსახდენად და მათი მოგვარების გზების მოსაძიებლად;
• არსებობს ბრძანება/განკარგულება/გადაწყვეტილება შესაბამისი უფლებამოსილი ორგანოს მხრიდან ანგარიშთან დაკავშირებული მონაცემები შენარჩუნება/შენახვაზე;

• თუ თქვენი მონაცემების წაშლას ვერ განვახორციელებთ რაიმე სახის მიზეზით, იგი შენარჩუნებული იქნება ჩვენი პერსონალური მონაცემების დამუშავების პოლიტიკის შესაბამისად.