გულის სიცარიელე საუბრები ჩატარდა რაჯნიშის საერთაშორისო მისტიციზმის უნივერსიტეტის მიერ გაუტამა ბუდას აუდიტორიაში.
პუნა, ინდოეთი
8-15 სექტემბერი, 1988
მთელ მსოფლიოშია ცნობილი ბრახვან შრი რაჯნიშის სახელით ოშო - ჩვენი დროის გასხივოსნებული ოსტატი. ოშო ნიშნავს "ოკეანისეულს, ოკეანეში დამდნარს." ამ წიგნში ლაპარაკია იმაზე, რომ ყველა ადამიანში უკვე ცხოვრობს ბუდა - აუცილებელია მხოლოდ მისი აღმოჩენა საკუთარ შინაგან სამყაროში. ოშო მაგალითებით ლაპარაკობს ძენის ცნობილი ოსტატების შესახებ და გვაჩვენებს შინაგანი სამყაროს ჰარმონიის და ბედნიერების, მარადიულობის და უკვდავების, თავისუფლებისა და გასხივოსნების მიღწევის გზას.
შესავალი
ეს წიგნი აღწერს დავიწყებულ მიწას, მისი სიტყვები დავიწყებული სიტყვებია. იმისათვის, რომ გაიგოთ, აუცილებელია ახალი მიმართულებით შეტრიალდეთ, ისინი შემოდიან თქვენში საიდუმლო შესასვლელით.
და მაშინ თითქოს ვიღაც ჩვენი გულის მწვერვალზე დგას და აღწერს ჰაერის სიცივეს, ყვავილების არომატს, მთვარის სიჩუმეს, ყველაფერს, რაც ხდება გარშემო.
ხმა, რომელიც ჩვენ აქ ველაპარაკება, გვეჩვენება წყნარ ხმად, თითქოს ვიღაცა შორიდან გვიძახის.
ის აღწერს სივრცეს, რომელიც შორი გვეჩვენება იმ ადგილებიდან, სადაც ჩვენ ცხოვრება განვლეთ, მაგრამ ხშირად ზარები რეკავენ სიტყვებს შორის მაშინ, როცა იღვიძებს დავიწყებული ჭეშმარიტება. ჭეშმარიტებაში ხმა კი ის არის, რასაც აღწერს. შესაძლოა, ჩვენ ოდესღაც აქ ვცხოვრობდით კიდეც და ეს სივრცე იყო ჩვენი სახლი.. და, შესაძლოა, ეს მიწა არც თუ ისე შორსაა, ბოლოს და ბოლოს ჩვენ ვეჩეხებით მას ზუსტად ასეთ მომენტებში.
ჩუმი ხმა ამ წიგნში ლაპარაკობს იმაზე, რომ არსება გვიცდის შიგნით. ის დამარხულია ფიქრების მტვერსა და გულის ქაოსში. აუცილებელია, ნებისმიერი გზით გონება გავიწმინდოთ, დავაცარიელოთ გული და გავუღოთ მას, ვინც აქ ცხოვრობს, ვინც გიძახის ამ ცივი შინაგანი მწვერვალიდან.
გააღეთ უკანა კარი მისი სიტყვებისათვის და მოისმინეთ.
უსმინეთ ამ მაგიურ ენას, უსმინეთ ზარებს, რომლებიც რეკავენ ასე მხიარულად შუალედებში. შესაძლოა, ეს თქვენი საკუთარი ბუდა ჩამოკრავს ზარების თოკს, ზარების, რომლებიც თქვენთვის რეკავს:
"შენი საკუთარი არსება ისეთი სუფთაა, ისეთი შეურყვნელი, მტვრის ნაწილაკიც კი არ მოსდებია - არ შეეძლო მოსდებოდა. მხოლოდ შენს ცოდნას შეუძლია მიაღწიოს ამ ადგილს. ცნობიერი წარმოიშობა შენში უგონობასთან ერთად. უგონო მდგომარეობაში შენ ხდები გამოღვიძებული, ყურადღებიანი და ვერსად მიდის აქედან, იმიტომ რომ ყველა ფიქრი წავიდა. ამიტომ შენ უღრმავდები საკუთარ თავს და პირველად ხვდები შენს საკუთარ თავდაპირველ არსებას~.
მა პრემ პრარტო
1989 მარტი, პუნა, ინდოეთი.
თავი 1. გულის სიცარიელე
8 სექტემბერი, 1988
ჩვენი საყვარელი ოსტატი
ბუკომ თქვა:
"მიიღე მოვლენები ადვილად, ძალისხმევის გარეშე,
და რამდენიმე ხნის შემდეგ აზრების ნაკადი,
შინაგანი და გარეგანი, თავად დაოკდება
და ჭეშმარიტება თავის ნამდვილ სახეს გამოავლენს.
სხეული და გონება ყოველგვარი მოტივაციისაგან თავისუფალია.
ის ყოველთვის ჩნდება როგორც სიცარიელე და სრული თანასწორობა,
გაბრწყინებული, როგორც ცის ნათება, სამყაროს ფართო ცენტრში
არსებული საგნების, რომელსაც არ სჭირდება გაპრიალება
ანდა გასუფთავება.
ეს ყველა კონცეფციის მიღმაა,
ყოფნა არყოფნის მიღმა.
დატოვე შენი უსაზღვრო ცოდნა,
შთაბეჭდილება, შეგნება და წადი
ამ შეუცნობელ სივრცეში.
როცა შენ მოხვედი ამ სივრცეში,
შენს გულში არაა ბუდიზმის კვალიც კი
და, როცა შენში არ არის ცოდნის კვალიც,
შენ ჭეშმარიტ ბუდას და პატრიარქების მსოფლმხედველობას ჩასწვდები.
ჭეშმარიტი სიმართლე ჰგავს უზარმაზარ სივრცეს,
რომელიც მოიცავს ყველა მოვლენას.
შენ შეგიძლია მოსვლა და წასვლა
ერთდროულად ყველა რელიგიაში,
მაშინ არ არის არაფერი სპეციფიკურად შენი
არც შიგნით და არც გარეთ,
როცა შენ შეესაბამები უმაღლეს
და შეესაბამები უმდაბლეს,
შეესაბამები ოთხკუთხედს და შეესაბამები მრგვალს,
მაშინ ეს არის ის.
ზღვის სიცარიელე ტალღებს ნებას რთავს აზვირთდეს;
მთების სიცარიელე ექოს წარმოქმნის,
გულის სიცარიელე ბუდას ბადებს.
როცა შენი გული ცარიელია, მასში საგნები აირეკლება
როგორც სარკეში და განურჩევლად კიაფობს.
ცხოვრება და სიკვდილი ილუზიაა,
ყველა ბუდა შენს ერთ სხეულშია.
ძენი რაღაც იდუმალი კი არ არის,
ის მიზანში მორტყმა და მოვლენებში გარტყმაა.
თუკი შენ მოიშორებ ყველა ეჭვს,
სიცოცხლის და სიკვდილის დინება თავად შეწყდება.
მე თქვენ გეკითხებით:
ხედავთ თუ არა,
როგორ დნება ივნისში თოვლი ფუძის წვერზე?"
ბუკოს მანიშა საკუთარი ადამიანური ყოფის საბოლოო შეგრძნებების გამოსახვამდე მივიდა. ძალიან იშვიათად აღწევს ოსტატი მიზანს ისე, როგორც ბუკო თავის გამონათქვამებში. მოუსმინეთ
ყურადღებით, რადგან ბუკო ხშირად არ გვხვდება ჩვენ.
ბუკომ თქვა:
"მიიღე მოვლენები ადვილად, ძალისხმევის გარეშე, და რამდენიმე
ხნის შემდეგ აზრების ნაკადი, შინაგანი და გარეგანი, თავად დაოკდება
და ჭეშმარიტება თავის ნამდვილ სახეს გამოავლენს."
ამას დიდი ხანია გეუბნებით. იყო ბუდა, არ არის