ფერწერის ფაკულტეტზე ვსწავლობდი როცა
დეკორატიულმა კოსმეტიკამ გამიტაცა, ამხანაგებს ისე
ვალამაზებდი, რომ ბიჭებს თავგზა საბოლოოდ ავუბნიე. მაგრამ
როცა გოგონებმა ძერწვისა და კერამიკის ჯგუფებიდანაც
შემომიტიეს, თავს ბოლო ლექციებიდან გაპარვით ვშველოდი.
ისინი თავს ხან სოხუმის ზღვის სანაპიროზე, ხან კი ბოტანიკურ
ბაღში დამეძებდნენ, ყველგან, სადაც ადრე ჩანახატებს
ვაკეთებდი ხოლმე. მაგრამ მეცადინეობისთვის მე იქვე, ჩვენი
სასწავლებლის ახლოს მდებარე სილამაზის სალონი ავირჩიე,
იქ რუსი ებრაელი კოსმეტოლოგი_ვალია მუშაოდა და მისი
ნიღაბწასმული პაციენტები სიამოვნებით პოზირებდნენ.
მე ჩანახატებს ვაკეთებდი და თან ვალიას საქმიანობას
ვაკვირდებოდი, კაბინეტის ატმოსფერო ისე ძლიერ მიზიდავდა,
რომ ვოცნებობდი, ოდესმე მეც კოსმეტოლოგი გავმხდარიყავი.
ოთახს ქუჩის მხრიდან მინის კედელი ჰქონდა, იქიდან
მთელი მშვიდობის გამზირი მოჩანდა. ვხედავდი თუ როგორ
დამეძებდნენ ლექციებიდან გამოსული ამხანაგები, მაგრამ
მე ვალიას მუშაობას ვაკვირდებოდი და თან გატაცებით
ვხატავდი პირსაბანსა და სარკეს, თაროებზე ჩამოლაგებულ
როდინებს რომ ირეკლავდა, რომლებშიც ფერადი ნიღბები
იბუშტებოდნენ. მინის კარადებს, სამკურნალო ბალახებითა და
შუშის ქილებით გადავსებულს, ბამბის ფერად ბურთულებსა
და ქათქათა ხელსახოცებს. ვხატავდი თეთრხალათიან ვალიას,
რომელიც პაწაწინა კრისტალებს ნაყავდა, შუშხუნა სითხეებსა
და ფხვნილებში აზავებდა, ქურაზე ათბობდა და აფუებულ
მასას ქალებს სახესა და კისერზე ფუნჯით უსვამდა. ეს
ყველაფერი რაღაც იდუმალ რიტუალს მაგონებდა და ჩემში
მისტიკური, ჯადოსნური შეგრძნებები იბადებოდნენ...
კოსმეტოლოგიის დარგი წლების მერე ექიმ_
კოსმეტოლოგთან, ბიოლოგთან შევისწავლე და საერთაშ. კატეგ.
სერთიფიკატიც მოვიპოვე. მწერლობასთან და მხატვრობასთან,
ჩემს ძირითად საქმიანობებთან, კოსმეტოლოგიის შეთავსების
ერთი გზა არსებობდა,_ მიღებული ცოდნა და გამოცდილება
წიგნად დამეწერა, მაგრამ არ მსურდა, რომ იგი იმ უამრავ
გამოცემას დამსგავსებოდა, კანის მოვლის შესახებ
ერთმანეთის მსგავსი რჩევებით რომ არის გაჯერებული. ამ
იდეის განსახორციელებლად მხოლოდ კოსმეტოლოგიის
...............................................................................
ასეთი ცხედრის ამბორი სიცოცხლის ფასადაც შიძლება
დაჯდეს. თუ მალევე არა, რაღაც დროის შემდეგ მაინც
მოხდება მკოცნელის დასნეულება. იმ შემთხვევაში, თუ
განსვენებული რომელიმე მძიმე სენით იყო დაავადებული და
პირიდან, ცხვირიდან ან თვალებიდან გადმოედინება სითხე
ან სისხლი, დაუშვებელია მისი ამბორი. არაბალზამირებული
გვამის მიერ დიდი რაოდენობით გამოიყოფა კორტიზოლი,
რომელიც მომაკვდინებლად მოქმედებს. ჩვენი სიცოცხლის
ხანგრძლივობა დამოკიდებულია იმაზეც კი, თუ როგორ
იკვებებოდა ჩვენი ბებია 9-12წლის ასაკში, როცა მისი
საშვილოსნო ყალიბდებოდა.
ქირომანტია საიდუმლო მოძღვრება სწორედ იმიტომ არის,
რომ იმ პრობლემების მოგვარება, რომელთა შესახებაც იგი
გვატყობინებს, არც თუ ისე იოლია, თითქმის შეუძლებელია.
როგორც ვიცით, ჯანმრთელობის რუქის ნაწილი წინაპრებმა
შეგვიდგინეს, ნაწილი კი თავად შევქმენით, და არა მარტო
არასწორი კვებით, არამედ შურის, ზიზღის, სიხარბის,
გულცივობის, კამათის მოყვარულობისა და სხვა მრავალ
მანკიერებათა მიზეზით. თუმცა მიმაჩნია, რომ ქირომანტიის
მოძღვრება ნაწილობრივ მაინც უნდა იქნეს გამოყენებული. მაგ.
ხელზე გაჩენილი ჯვრები, ვარსკვლავები, ბნელი წერტილები,
ლაქები ან სიცოცხლის ხაზზე აღმოცენებული კუნძული
მოახლოვებული პრობლემის შესახებ გვატყობინებს. დროული
დიაგნოსტიკის შემთხვევში შესაძლებელია დარტყმის ძალის
შემსუბუქება.
ცნობილია, რომ ყოველ აზრსა და ფიქრს ტვინი აქცევს
ფიზიკურ რეაქციად. შიში წარმოშობს კანკალს (საქმე
შეიძლება ფაღარათამდეც კი მივიდეს), სირცხვილი ალმურს,
დაძაბულობა ოფლიანობას, შურით, ბოღმითა თუ სიხარბით
გამოწვეული შედეგის მაშტაბი კი შემზარავია, იგი ანადგურებს
არა მარტო ჯანმრთელობას, არამედ ცვლის ადამიანის სახის
ნაკვთებს – იზრდება ცხვირი, ჩნდება კეხი,ხშირია სურდო (რაც
შინაგანი დაბეჩავების ნიშანია). წვრილდება ან გვერდულად
იბრიცება ტუჩი, ნაადრევად ნაოჭდება სახე, გამომეტყველება
ბებრული და მრისხანეა, ჩნდება ხორცმეტები.
ქვეცნობიერის კარი დღეში ორჯერ იღება – დაძინებისას და
გაღვიძებისას, დროის ამ მონაკვეთში წარმოქმნილი ფიქრები
.........................................................................................................
ქალბატონისათვის მშვენიერი ატრიბუტია აბადოკი. იგი
გვირგვინთან ასოცირდება და უხდება მოვლილ, მბზინვარე
თმას, თან ტანდაბალ ქალებს შემატებს სიმაღლეს. ასაკოვანს
არ შეეფერება უბრალო _ ,,პლასტმასის აბადოკი”, ეს
მის სიღარიბესა და წარუმატებლობას გაუსვამს ხაზს.
უმჯობესია შეირჩეს ძვლის ან შეკვეთით დამზადდეს
ტყავის, ხავერდისა თუ ატლასის ნაჭრისაგან. იგი შეიძლება
გაფორმდეს მცირე ზომის იმ პატიოსანი ქვებით, რომლებიც
შეეფერებიან ამა თუ იმ ტიპის ადამიანს. ასეთი ატრიბუტის
ტარებისას, გასათვალისწინებელია მფლობელის საქმიანობა
და ჩაცმულობის სტილი. სადედოფლო გვირგვინის მსგავსი
ნაკეთობა არ მოუხდება უინტელექტო ან შეუხედავ
ქალბატონს ამასთანავე, პატიოსანი ქვები ვერ იტანენ
მფლობელის მანკიერებებს და იბზარებიან, ზოგჯერ სჯიან
კიდეც, ზოგიერთის ვიბრაცია ძლიერ მოქმედებს როგორც
დადებითად, ასევე უარყოფითად. ძველი ქვის შეძენისას
აუცილებელია წაიშალოს ადრინდელი მფლობელის
ენერგოინფორმაცია, რადგან არასასურველია სხვა ადამიანის
(შესაძლოა ბოროტი ან უბედური) სხეულის ეთერული
სუბსტანციის მიერ ბეჭედდასმული ნივთის ტარება.
ხანდაზმულს არ შეეფერება ისეთი ,,აბადოკი”, რომელიც
ასოცირდება მოზარდულ სიკეკლუცესთან _გვირილებით
მორთული და ა.შ. ეს გარშემომყოფთა ირონიას გამოიწვევს.
მაგალითად მცირე ზომის შავი ვარდი ხაზს გაუსვამს
მფლობელის სექსუალობას, მაგრამ იგი არ მოუხდება
თანამდებობის პირს, ჭარბწონიანს ან სპორტული აღნაგობის
ქალბატონს.
შემოდგომისა და ზამთრის თვეებში ძლიერ დანაოჭებული
შუბლი შეიძლება დაიფაროს პატარა მოხდენილი შლიაპით ან
შუბლის ლამაზი სახვევით, რომელიც სასურველია გაფორმდეს
ნაჭრის დეკორაციებით, ზამთარში იგი მოსახერხებელია,
რადგან კარგად იცავს შუბლსა და ყურებს, თავის კანს კი
ეძლევა სუნთქვის საშუალება. მოჭერილი და ჩახუთული
ქუდი ხელს უწყობს თმის ცვენას, იწვევს თავის ტკივილს.
საკმაოდ შთამბეჭდავი სამკაულია გულსაბნევი _
,,ბროში”იგი ჯილდოსთან, ორდენთან ასოცირდება და
მატებს ელეგანტურობას. ამა თუ იმ ადამიანიასთვის
ჩუქება
