ინება ცამან
აჰა, მაღალი, წმიდათწმიდა
გულს აინთება დღეს შენი მცნება
და, თუმცა ავცდით შენს წრფელსა გზასა
უგუნურებით და უმეცრებით,
სიტყვა ჩაგვესმის სასოებისა
(ცამან ყოველი ესე ინება!) -
მრუმე ღამეში ჩაფლული სულის
კვლავ აღდგომად და აღორძინებად!
მოუცავს გული წმინდა მოლოდინს...
ფიქრები სვეტიცხოველში ილია ჭავჭავაძის
წმიდანად შერაცხვის ჟამს
თვალს სასოებით მივაპყრობთ მასა,
წმიდათაწმიდას, მამულო, მთასა,
სადაც მარადი ნათელი იდგა,
სით დაგვყურებდა აჩრდილი წმიდა,
კავშირს ეძებდა ვინც კაცთა შორის!
ჰა, დღესაც იგი თვალს არ გვაშორებს,
ჩვენკენ აქვს ისევ გული და მზერა:
ვიპოვით ერთურთს?
ვაითუ, -
ვერა!
...
მოუცავს გული წმიდა მოლოდინს:
ერთობა ჩვენი წინ წაგვძღოლოდეს!