კაცობრიობამ უამრავი წესი და კანონი შექმნა, რათა ადამიანი ადამიანისგან დაეცვა, მიუხედავად ამისა, საუკუნეები გადის და უამრავი ომები... როდესაც იბრძვიან, მტერს შორიდან ხედავენ, ესვრიან სილუეტს, ომის დროს იშვიათია, რომ ერთმანეთს თვალებში ჩახედონ... აი, სანგრის ხალხმა მითხრა: ტყეში მიდის და ხვდება ჩასაფრებულ მტერს, აფხაზ კაცს... მან მითხრა, რომ ამ დროს მისთვის მტერი გაქრა, ვუთხარიო, “წადი, შენც მებრძოლი ხარ, მეც მებრძოლი ვარ...” - ამბობს წიგნის ავტორი, გურამ ოდიშარია რადიო თავისუფლებისათვის მიცემულ ერთ-ერთ ინტერვიუში. ეს წიგნი სწორედ ყველაზე შორეულზე და ყველაზე ახლობელზე - ქართველებისა და აფხაზების მტრობასა და სიყვარულზეა.