ეკატერინე ტოგონიძის ლიტერატურულ ტექსტებს აერთიანებს მწვავე სოციალური თემატიკა. თანამედროვე სამყაროს პრობლემების სიღრმისეული ანალიზი ისეთ ხელშესახებ შრეებამდეა დაყვანილი, რომ მკითხველს ყველა ამბავს საკუთარ თავგადასავლად აღაქმევინებს.ეკატერინე ტოგონიძე პროფესიით ჟურნალისტია. 2000-2010 წლებში საზოგადოებრივი მაუწყებლის საინფორმაციო პროგრამა „მოამბისა“ და დილის გადაცემა „ალიონის“ წამყვანად მუშაობდა. მისი მოთხრობები 2011 წლიდან იბეჭდება ქართულ და უცხოურ პერიოდიკაში. ნათარგმნია ინგლისურ, რუსულ და გერმანულ ენებზე, შესულია არაერთ კრებულში და მიღებული აქვს სხვადასხვა ლიტერატურული პრემია, მათ შორის „საბა”.