კრებული ”ანესთეზია” განსხვავებული თემატიკის ოთხ მოთხრობას აერთიანებს. აქედან ორი პრემირებულია. ”სხვა გზა” ითარგმნა გერმანულ ენაზე და შევიდა ქალთა გერმანულ ანთოლოგიაში, რომელიც 2012 წლის ოქტომბერში ფრანკფურტში გამოიცა. ავტორი: "ძაღლები არ დაიშვებიან" ებრაელ კაცზე მოგვითხრობს. მოთხრობაში ის მომენტია აღწერილი, როგორ აიძულებენ მას საკუთარი საფლავის გათხრას, რას განიცდის, რას ფიქრობს ამ დროს ადამიანი... "მზეთუნახავი" ავარიაში მოხვედრილ გოგოზეა, რომელსაც სახე უსახიჩრდება და გაუცხოებული, ვეღარავისთან პოულობს საერთოს. აღვწერ, როგორ მიდის მთავარი გმირი პლასტიკურ ოპერაციამდე, როგორ გადაწყვეტს, აირჩიოს ახალი სახე და ახალი ცხოვრება... "სხვა გზა" კი წერა-კითხვის უუნარო ადამიანზე მოგვითხრობს. ეს პრობლემა საკმაოდ გავრცელებულია მსოფლიოში. ამ დაავადების მქონე ადამიანებს არ შეუძლიათ ასო-ნიშნის დაკავშირება ბგერასთან ანუ ისინი ვერასოდეს სწავლობენ წერა-კითხვას, ვერ ცნობენ ციფრებს, საგზაო ნიშნებს, ვერც ერთ ფიგურას... ასეთი ადამიანები ხშირად დისკრიმინირებულები არიან და ვერ იმკვიდრებენ თავს საზოგადოების სრულფასოვან წევრებად. როგორ შეიძლება განვითარდეს მათი ცხოვრება, რა გზა შეიძლება აირჩიონ და რა შედეგი შეიძლება მოჰყვეს მრუდე არჩევანს? ერთ-ერთი ყველაზე მწვავე ვერსია ჩემს ვრცელ მოთხრობაშია გადმოცემული."