წიგნი წარმოადგენს ბიზნეს-ანალიტიკური ჟურნალის - „სტრატეგია და ორგანიზაცია“ - საუკეთესო სტატიების კრებულს მენეჯმენტის თემაზე. ის განკუთვნილია როგორც კომერციულ, ასევე არაკომერციულ და სამთავრობო სექტორში მოღვაწე ორგანიზაციების უმაღლესი და საშუალო რგოლის მენეჯერებისთვის. ასევე ყველა იმ ადამიანისთვის, ვისთვისაც ეს თემა უბრალოდ საინტერესო ან/და მნიშვნელოვანია. წიგნში მოცემულია სტატიები წარმატებული ორგანიზაციებისა და მათი წარმატების მიზეზების შესახებ, სხვადასხვა რჩევები, შეხედულებები და თეორიული მოსაზრებები კომპანიების მართვასთან, მართვის სისტემებთან და სტრატეგიულ დაგეგმვასთან დაკავშირებით. წიგნში შესული თემები და საკითხები ეფუძნება საკონსულტაციო კომპანია „სინერჯი ჯგუფის“ მრავალწლიან გამოცდილებას და მსოფლიოს უახლეს მიგნებებს ამ სფეროში, რასაც ავტორთა ჯგუფი ხანგრძლივი დროის განმავლობაში სწავლობდა და აანალიზებდა.