დიდი ხნის წინ, როცა დედამიწა თავისუფლად სუნთქავდა და ველურ ბუნებას ადამიანის გამანადგურებელი ხელი ჯერ კიდევ არ შეჰხებოდა, იშვა საოცრად ცოცხალი წიგნი ადამიანის და ცხოველების მეგობრობასა და ჰარმონიულ თანაცხოვრებაზე. დღეს, როცა ბუნებას დავუპირისპირდით, ინგლისელი მწერლის, რადიარდ კიპლინგის მიერ მოთხრობილი ამბავი კიდევ უფრო აქტუალური და, შესაბამისად, მეტად საინტერესო ხდება. სწორედ ამიტომ, „პალიტრა L“ მკითხველს ჯუნგლში მოგზაურობას, მგლებთან ერთად ცხოვრებასა და ტყის ბინადრებთან დამეგობრებას სთავაზობს. იგრძენით ბუნების ნაწილად თავი – წაიკითხეთ ამბავი მაუგლიზე.