დაჩი: არ მინდა მაგაზე ლაპარაკი... აუუ, რა კაია ცხოვრება! ბედნიერებამ მითხრა, ნუ მეძებ-აი, ეგრე ვარ.
ინანო ჩანთიდან რაღაცას იღებს. იწყებს ქექვას.
ინანო: ვაიმე...
დაჩი: რა?
ინანო: საფულე..
დაჩი: რა?
ინანო: საფულე არ დევს!
დაჩი: დაწყნარდი და კარგად ნახე.
ინანო: არ არის.. მგონი.
დაჩი: მანდ იქნება.
ინანო: ხო... მარა...
დაჩი: აუუუ...
ინანო: ვაიმე...
დაჩი:კაი, დამშვიდდი ეხლა და წესიერად ნახე! ამოალაგე ყველაფერი.
ინანო: არ არის, არა!
დაჩი: ამოალაგე?
ინანო: არაა-მეთქი!
დაჩი: ეგრე არააო მითხარი ჩემ სათვლეზე ადრე, ორი თვის მერე რო იპოვე ჩანთში.
ინანო: აჰა!
იწყებს სათითაოდ ამოწყობას. დაჩი კარგად აკვირდება.
ინანო: არაა, არა!
დაჩი: ღადაობ?
ინანო: რას ვღადაობ?!
დაჩი: კარგი, მანქანაშია უეჭველი.
ინანო: აუუუუ, მთელი ფული იქ მიდევს!
დაჩი: მოიცა! ადექი, ჩაალაგე ჩანთა და წავედით!
ინანო: სად?
დაჩი: ნახევარი კამეჩი გვაქვს შეკვეთილი. დაჯექი ისე, რომ არ შეგამჩნიოს ოფიციანტმა და რო შევა, გავრბივართ, აი, იქით! ორი ნაჭერი პური ჩაიდე ჩანთში, თორემ გული წამივა.
ინანო: (თვალს გააყოლებს მიმტანს. იღებს პურს. დებს ჩანთში და გარბის. დაჩიც მიყვება)
მეოთხე სცენა
მანქანაში.
დაჩი: ვახ, რაა.
ინანო: შენკენ კარში არაა?
დაჩი: აქ როგორ გადმოვარდებოდა, როგორ? არაა! კარგად ნახე.
ინანო: აქ ყველაფერი ვნახე.
დაჩი გადმოვა მანქანიდან და კიდევ კარგად შეიხედავს ფეხების ადგილას.
დაჩი: მომინათე ერთი ტელეფონით.
ინანო უნათებს.
დაჩი: არც აქ არაა. კაროჩე რაა! ჩანთა მანახე ერთი.
კიდევ ამოაპირქვავებენ ჩანთს.
დაჩი: არც აქ არ არის!
ინანო: რა უნდა ვქნათ?
დაჩი: ბოლოს სად იყო? სად შეიძლებოდა, დაგვარდნოდა?
ინანო: არ ვიცი. ნუ, ალბათ, პლაჟზე.
დაჩი: აუუუ!
ინანო: რა უნდა ვქნათ?
დაჩი: არ ვიცი მართლა.
ინანო: მაპატიე.
დაჩი: არა, ძალით ხომ არ გინდოდა, არა?
ინანო: სულ ვამოწმებდი, არ ამომივარდეს-მეთქი.
დაჩი: მე უნდა მქონოდა! აი, პასპორტები რაც ჩავიბარე, აქაა.
ინანო: არაუშავს, ყველას შეიძლებოდა, მოსვლოდა.
დაჩი: არა, ხო, არ ინერვიულო.
ინანო: შენც არაფერი შეგიმჩნევია? ან ვინმე ხო არ მოგვიახლოვდა საეჭვოდ.
დაჩი: არა, არაფერი საერთოდ.
დიდხანს სიჩუმეა . ინანო პურს ამოიღებს, აწვდის დაჩის.
დაჩი: არ მინდა.
ინანო ცივად ჩაიდებს ჩანთში.
სიჩუმე. მანქანაში ფანჯრები აწეულია, გარედან მუსიკის და პლაჟისკენ მიმავალი ხალხის მხიარულება ყრუდ ისმის .
