"დამასტე" ერთი სოფლის საიდუმლო სალოცავია, რომელსაც მხოლოდ გოგონები მიეახლებიან. ნიშთან მარტოდმარტო ღამის თევისას საცდური - პარალელურ სამყაროში შებიჯება - დიდია, მაგრამ თუ მომლოცველი პირობას დაიცავს და ზღვარს არ გადააბიჯებს, მას შეიძლება დიდი ნიჭი ებოძოს. ნინი ორტიგა ჭინჭარაულის პირველ კრებულში შემავალ მოთხრობებში მისტიკა და სიზმარეული სამყარო რეალობას ერწყმის და პერსონაჟები ამ საინტერესო და ზოგჯერ შემაძრწუნებელ ლაბირინთში გზის გაგნებას ცდილობენ.