*** ეძღვნება ლეონ ვერტს
უპირველესად, ბოდიშს მოვუხდი ბავშვებს იმის გამო, რომ ეს წიგნი ზრდასრულ ადამიანს მივუძღვენი.
ჩემი ეს გადაწყვეტილება რამდენიმე მიზეზმა განაპირობა: პირველი, რომ ლეონი ჩემი საუკეთესო მეგობარია. იმასაც დავამატებ, რომ მას ამქვეყნად ყველაფრის გაგება შეუძლია, თქვენ წარმოიდგინეთ, საბავშვო წიგნებისაც კი. არის კიდევ ერთი გარემოებაც: ის ამჟამად საფრანგეთში ცხოვრობს და ნამდვილად არ ულხინს, მეტსაც გეტყვით, შია და სცივა. ძალიან სჭირდება ჩვენი ნუგეში. თუ ეს ყველაფერი ჩემი გადაწყვეტილების გასამართლებლად საკმარისი არ აღმოჩნდება, მაშინ ავდგები და ამ წიგნს იმ პატარა ბიჭუნას მივუძღვნი, რომელიც ოდესღაც ჩემი ბავშვობის მეგობარი იყო. მოგეხსენებათ, ყველა ზრდასრული ადამიანი თავიდან ბავშვია, თუმცა, სამწუხაროდ, ეს ჭეშმარიტება ბევრს აღარც კი ახსოვს. მოკლედ, თქვენი ნებართვით, მიძღვნის ტექსტს ამგვარად შევასწორებ: ეძღვნება ლეონ ვერტს, როცა ის პატარა ბიჭუნა იყო.
ჩუქება
