საშუალო რგოლის კარგი მენეჯერი
დიდი ორგანიზაციების წარმატებაში ბევრი რამეა საშუალო რგოლის მენეჯერებზე დამოკიდებული. მათი მონდომება, ჩართულობა, მათი ურთიერთობები როგორც საკუთარი გუნდის წევრებთან, ისე ზედა მენეჯმენტთან, კოლეგებთან მნიშვნელოვნად განაპირობებს ორგანიზაციის შედეგებს. ჩვენთან ძალიან ხშირია, როდესაც შუა რგოლში მენეჯერებად გამოარჩევენ ადამიანებს, რომლებმაც წარმატებული პროფესიული საქმიანობით მიიქციეს ხელმძღვანელობის ყურადღება. თუმცა ეს არც თუ ისე ხშირად ნიშნავს, რომ ისინი შეძლებენ, ალღო აუღონ მენეჯერის როლს და ფუნქციებს.
მინდა მოგიყვეთ ერთი ჩემი კარგი ნაცნობის შესახებ, რომელმაც 30 წლის ასაკში, მის დარგში, რიგითი პროგრამისტიდან დაწყებული თითქმის ყველა დონის პოზიციაზე მოასწრო მუშაობა (გენერალური დირექტორის მოვალეობებსაც ასრულებდა ცოტა ხნით) და ყოველთვის ძალიან წარმატებული იყო. ამის შემდეგ საუკეთესო დასავლური განათლება მიიღო ბიზნესის ადმინისტრირებაში, ახლა კი ერთ-ერთ წარმატებულ გლობალურ კომპანიაში მუშაობს.
საბედნიეროდ, მასთან წლების განმავლობაში მომიწია მუშაობა და ურთიერთობა, ახლო შეხება მქონდა, როგორც მის უშუალო ხელმძღვანელებთან, ასევე მის თანამშრომლებთან, ბევრს და მრავალ თემაზე ვმუშაობდი მასთან პირადადაც. შესაბამისად, მქონდა საშუალება მომესმინა უამრავი შეფასება და მოსაზრებები მისი მუშაობის სტილის და თვისებების შესახებ, დავკვირვებოდი პირადადაც. მიუხედავად იმისა, რომ მას, ჩემი შეხედულებით, რამდენიმე მნიშვნელოვანი ნაკლი ჰქონდა როგორც მენეჯერს, ძალიან ბევრი მისი მიდგომა და დამოკიდებულება საკითხების მიმართ რადიკალურად განსხვავდებოდა საერთოდ მიღებულისაგან. ეს, ჩემი ღრმა რწმენით, ყოველთვის დადებითად გამოარჩევდა მას და მის წარმატებებსაც დიდად განაპირობებდა. სწორედ ამ მიდგომებსა და დამოკიდებულებებზე მინდა მოგითხროთ.
ჩუქება
