ფრედი და ელი ტყუპია. მათ ძალიან უყვართ ვიდეოთამაშები და უფრო ეხერხებათ კიდეც, ვიდრე სხვა რამ, მაგალითად, ფეხბურთი ან სკოლის ყოჩებთან ურთიერთობა. ერთ მშვენიერ დღეს და-ძმას კომპიუტერის ეკრანზე მისტერი მენი ეცხადება – იდუმალებით მოცული კაცი; იგი მათ ვიდეოთამაშების კონტროლერს უგზავნის, რომელიც სხვა კონტროლერებს არ ჰგავს. დაბნეული და გაოცებული ბავშვები ცდილობენ, გამოიცნონ, რა შეუძლია ამ უცნაურ ხელსაწყოს. მალე საიდუმლო გასაღებსაც პოულობენ და კონტროლერის დახმარებით სურვილების ასრულებას იწყებენ...