სახელად ადამიანი
წლების განმავლობაში უამრავი ძალისხმევის გაწევაა საჭირო,
როგორც მარკის ცნობადობის შესაქმნელად,
ასევე მის შესანარჩუნებლად
Wal-Mart - ის სამხრეთ ვირჯინიის სუპერმარკეტში, Carefour-ის ფრანგულ მაღაზიაში, ეგვიპტის კუთხის ჯიხურსა თუ ფილიპინებზე არსებულ ინდურ Sari-Sari -ის მაღაზიაში ყოველდღე უამრავი „გამოცდა“ ტარდება. გამოსაცდელებს სხვადასხვა კომპანიის მიერ წარმოებული ბრენდები წარმოადგენს, ერთი კაცისგან შემდგარ ჟიურის კი მომხმარებელი. ეს უკანასკნელი სულ რამდენიმე წამის განმავლობაში, მაგრამ, როგორც წესი, რაციონალურად ადარებს ერთმანეთს დახლზე განთავსებულ კონკურენტ ბრენდებს და აკეთებს არჩევანს.
ყოველდღიურად, დაახლოებით 30 მილიონ ასეთ გამოცდას წარმატებით გადის Procter&Gamble -ის (პროქტერ-ენდ-გემბლ) პროდუქცია მსოფლიოს მრავალ ქვეყანაში. თუმცა, ეს ყველაფერი ნამდვილი გამოცდის მხოლოდ დასაწყისია. ჭეშმარიტ გამოცდას ის მაშინ აბარებს, როცა დიასახლისები რეცხავენ ტანსაცმელს „ტაიდით“, ბავშვები ინარჩუნებენ სიმშრალეს „პამპერსით“, ქალები კომპლიმენტს იღებენ თმების მიმზიდველობასა და სირბილეზე „პანტენის“ წყალობით, ან კიდევ, როცა „კრესტის“ დახმარებით ადამიანები ამჩნევენ სარკეში, რომ მათი ღიმილი უფრო „თბილი და ლამაზია“, ვიდრე ადრე. სწორედ ამ დროს, ბრძენი და ყოველთვის მართალი მომხმარებელი კომპანიისთვის მეტად მნიშვნელოვან დასკვნას აკეთებს: გაამართლა თუ არა პროდუქტმა ნდობა. ხშირ შემთხვევაში, ეს დასკვნა მომავალში დახლთან გაკეთებული მორიგი არჩევანის საფუძველი ხდება, გრძელვადიან პერიოდში კი - კომპანიის განვითარების აუცილებელი პირობა.
მკითხველისთვის კარგად ნაცნობი კომპანია Procter&Gamble -ი 1837 წელს დაარსდა ამერიკაში, ოჰაიოს შტატის ქალაქ ცინცინატში. თავიდან ის საპნისა და სანთლის მწარმოებელი პატარა ფირმაა, რომელიც ოჯახის ბიზნესის დონეზე იმართება. მისი დაარსებიდან გავიდა მრავალი წელი. კომპანია განუწყვეტლივ იზრდება, ვითარდება და სულ უფრო მეტ მომხმარებელს უკმაყოფილებს საყოფაცხოვრებო მოთხოვნებს. დღეისთვის, დაარსებიდან 165 წლის შემდეგ იგი 250 პროდუქტითაა წარმოდგენილი 160-ზე მეტი ქვეყნის ბაზარზე. ყოველ დღე P Procter&Gamble -ის 106 ათასი თანამშრომელი სამსახურში მიემართება და თავისი საქმიანობით დედამიწის მოსახლეობის ცხოვრებას აუმჯობესებს.
ჩუქება
