როგორც ამბობენ, ეს წიგნი გენიალური კოლუმბიელი მწერლის, გაბრიელ გარსია მარკესის საყვარელ წიგნთა სიაში იყო. არამხოლოდ მარკესის, მსოფლიო ლიტერატურის შედევრების სხვადასხვა დროს შედგენილ სიებში დევიდ ჰერბერტ ლოურენსის შესანიშნავი რომანი „ვაჟები და საყვარლები” აუცილებლად პოულობდა თავის ადგილს. თუ თქვენ ადამიანური ურთიერთობების სიღრმეები და გამოცანები გაინტერესებთ, სიყვარული, ღალატი, დრამა, იმედგაცრუება, ტკივილი, შვილები, მშობლები - ამ წიგნში ყველაფერია... ოჯახური საგა, სადაც არაფერი ადამიანური უცხო არაა, სადაც, ლოურენსი თავისი ცხოვრების ბევრ დეტალსაც გვიმხელს.