ბრემენელი მუსიკოსებიდიდი ხნის წინათ ცხოვრობდა ერთი მეწისქვილე. მას ჰყავდა ძალიან ჭკვიანი და ძლიერი სახედარი. იგი მთელი ცხოვრება წისქვილში მუშაობდა და ფქვილით სავსე ტომრებსზიდავდა. გავიდა დრო და ვირი დაბერდა.
პატრონმა შეატყო, რომ სახედარი დასუსტდა, რადგან ისე კარგად ვეღარ მუშაობდა და სახლიდან გააგდო.
შეშინდა ვირი:
- ახლა სად წავიდე? მე ხომ უკვე ბებერი და სუსტი ვარ.
მაგრამ შემდეგ დაფიქრდა და თქვა:
- წავალ ბრემენში და ქუჩის მუსიკოსი გავხდები.
ასეც მოიქცა ჩვენი ვირუკელა. იგი მაშინვე ბრემენში წავიდა.
მიდის სახედარი და თან ხმამაღლა ყროყინებს. ბევრი იარა თუ ცოტა, გზაზე მონადირე ძაღლი შენიშნა. კარგად დააკვირდა და რას ხედავს? ძაღლი ბილიკზე ენაგადმოგდებული წევსდა ძლივს სუნთქავს.