ამ რომანში მრავალი ლიტერატურული პერსონაჟია, თუმცა გმირი - არცერთი... აქ ერთი შეხედვით ჩვეულებრივი დღე შეიძლება გამოუსწორებელ ტრაგედიად იქცეს, ხოლო დუმილი - თანამონაწილეობად. აქ თითქოს გულწრფელი გრძნობებია, თუმცა, თუ სიღრმეებში ჩავიხედავთ, ყველაზე გულწრფელი დამოკიდებულებაც კი, ყველაზე ყალბია... ადამიანები ცხოვრობენ, გრძნობენ, უყვართ, მაგრამ საკუთარი ეგოდან გამომდინარე, ზედაპირულები და ზოგჯერ, სასტიკებიც არიან... მათი სიყვარული, ისეთივე ფასადური, მყვირალა და ერთჯერადია, როგორც ქალაქის ნაცრისფერ კედლებზე გაკრული საარჩევნო პლაკატები... "მოსალოდნელი მოულოდნელობები" თანამედროვე რომანია, ყოფითი და ყოველდღიური ამბები, რომელთა მიღმაც საოცარი ზედაპირულობა და სიცარიელე ჩანს, რომელშიც რომანის პერსონაჟები ცხოვრობენ - უცხონი საკუთარი თავისა თუ საყვარელი ადამიანებისთვის...