La Valsé

La Valsé


... უკვე მერამდენეჯერ გამოგხედეთ მარტოდ მჯდომს

თუმცა, საიდან უნდა იცოდეთ !

თქვენ, ალბათ, ვერც მამჩნევთ..

ეხლა ჩემსკენ გადმოჯექით და ..მიღიმით:

                                                 ... მაბნევთ !

დირიჟორი დამაჯერებლად სწევს ხელს მაღლა

იწყება რაღაც ჩამწვდომი, მენტალური:

                                    .. ცოტათი სენტიმენტალური..

უჩვეულოდ ჰარმონიული, და ..თან

შეუცდომელი დისონანსი

და .. თუ ყური არ მატყუებს ,

                  რაც იშვიათად ხდება,

ეს უნდა იყოს: 

მორის რაველი - La Valse ,

    ..     - ესე ვთქვი სიტყვა-სიტყვით

ჯერ ანტრანსია ,,სხვა'' აკორდებით

მეც გაბედულად, თან ..უიმედოდ

სულ უფრო სწრაფად გიახლოვდებით

უკვე ისე ხართ ახლოს, მგონია,

რომ მალე ვიგრძნობ თქვენს გულის ფეთქვას..

ნაზი შეხება..

თვალების ჯახი..

და უნებურად ჩვენ ვიწყებთ ცეკვას:

თვალი თვალის წინ, ტუჩი ტუჩის წინ

ირგვლივ დადიან სხვა გამვლელები

მე კი..

ოპტიმისტურად შემომიწყვია

თქვენს ცივ თეძოზე თბილი ხელები

ნაბიჯი ერთი..

თქვენსკენ ვიხრები

ერთ ხელს გიწოდებთ, ცეკვას გთავაზობთ

თქვენც არ აყოვნებთ და ლამაზ ხელებს

ჩემს გაშლილ მხრებზე ლამაზად აწყობთ

ნაბიჯი ორი..

და თქვენ ამაყად

მიახლოვდებით დაუფიქრებლად

მეც გულში გიკრავთ და გაიმედებთ,

რომ ყველაფერი კარგად იქნება

ნაბიჯი სამი..

თქვენ უკან იხევთ

ხელებს მარიდებთ ცხელი ტანიდან..

მალე კი ისევ:

თვალების ჯახი..

და ჩვენ ყველაფერს ვიწყებთ თავიდან.

და ყველაფერი, როგორც ცხადშია:

თავიდან ნული სენტიმენტალია

ჩვენ ერთმანეთის ორი სამყარო

გვაინტერესებს და გვიხარია

მერე: თავს იჩენს მოვალეობა,

ეჭვიანობა, სხვა პრობლემები,

ნაბიჯს უკან ვდგამთ და მერყევობით

უკანვე ვიხევთ ლაჩრული სვლებით

შემდეგ კი ვრჩებით საკუთარ თავთან

ვდარდობთ და ვტირით,

ვტირით და ვდარდობთ..

თან გვახსენდება ნაზი შეხება

განშორებასაც სწორედ აქ ვნანობთ

ბოლოს კი, ისევ ერთად შეგვყრიან

გვაიმედებენ, სხვა ვინ, ნოტები

რა დაგვრჩენია ჩვენც და ვირხევით,

როგორც ზამთარში ვერხვის ტოტები..

ნაბიჯი ერთი..

თქვენსკენ ვიხრები

ერთ ხელს გიწოდებთ, ცეკვას გთავაზობთ

თქვენც არ აყოვნებთ და ლამაზ ხელებს

ჩემს გაშლილ მხრებზე ლამაზად აწყობთ

ნაბიჯი ორი..

და თქვენ ამაყად

მიახლოვდებით დაუფიქრებლად

მეც გულში გიკრავთ და გაიმედებთ,

რომ ყველაფერი კარგად იქნება

ნაბიჯი სამი..

თქვენ უკან იხევთ

ხელებს მარიდებთ თბილი ტანიდან..

მალე კი ისევ:

თვალების ჯახი..

და ჩვენ ყველაფერს ვიწყებთ თავიდან.

ნუთუ რთულია იმის გაგება

თუ რას განვიცდი და ჩემთვის ვინ ხართ,

ისე მძიმეა ეს სამი სიტყვა

რომ დაგივარდეთ და ვეღარ მითხრათ?!

ერთი ღიმილი..

თქვენ მე მიმაფრენთ

შორს უგზოუკვლოდ მაღლა ზეცაში

ერთი კოცნა,

და თავს ვარსკვლავად ვგრძნობ

სხვა ვარსკვლავების ციურ ცვენაში

ერთი შეხება..

მე ღრმად ვვარდები

ჩემთვის უცნაურ, უცხო ექსტაზში

ერთი ,,მიყვარხარ!''.. და

მე თქვენი ვარ სულ რაღაც ერთ მეათასედ წამში..

.. თეთრი სიჩუმე..

მზერით მანიშნებთ

ეს ასე ადრე არ უნდა მეთქვა

მერე ცდილობთ, რომ არ შეიმჩნიოთ

და გააგრძელოთ ამაყად ცეკვა:

ნაბიჯი ერთი..

თქვენსკენ ვიხრები

ერთ ხელს გიწოდებთ, ცეკვას გთავაზობთ

თქვენც არ აყოვნებთ და ლამაზ ხელებს

ჩემს გაშლილ მხრებზე ლამაზად აწყობთ

ნაბიჯი ორი..

და თქვენ ამაყად

მიახლოვდებით დაუფიქრებლად

მეც გულში გიკრავთ და გაიმედებთ,

რომ ყველაფერი კარგად იქნება

ნაბიჯი სამი..

თქვენ უკან იხევთ

ხელებს მაშორებთ ცივი ტანიდან..

.. .და მეც პირველად ვეღარ მიგიხვდით:..

ჩვენ ამ ყველაფერს ვიწყებთ თავიდან?..

... La Valse-იც მთავრდება:

მაჟორული ...ვისთვის როგორ.. აკორდებით

მალე მორჩება,

ჩვენც დავიხურავთ ქუდს,

გარე გავალთ და დავშორდებით

აქ დირიჟორის ხელები თითქოს

იჩეხებიან დაბლა, კვდებიან

მასთან ყველაზე მყარი ბგერებიც

უკან იხევენ და ნებდებიან

და როგორც ცხადში..

ბგერებთან ერთად

რაღაც ეტაპზე გვიწევს, ვნებდებით

გემშვიდობებით.

დამიმახსოვრეთ,

მე ზუსტად ვიცი - კიდევ შევხვდებით ..