მადლიერების ნიშნად გულწრფელად მადლიერი ვარ უამრავი ადამიანისა, ვისაც „დემენციის ადვოკატირებისა და მხარდაჭერის საერთაშორისო ქსელისა“ და „დემენცია-აშშ“-ს წყალობით შევხვდი. გამორჩეულად მინდა, გამოვყო: პიტერ ეშლი, ალან ბენსონი, კრისტინ ბრაიდენი, ბილ კერი, ლინ კალიფერი, მორის ფრიდელი, შირლი გარნეტი, ქენდი ჰარისონი, ჩაკ ჯეკსონი, ლინ ჯეკსონი, სილვია ჯონსტონი, ჯენი კნაუსი, ჯეი ლენდერი, ჯინ ლი, მერი ლოკჰარტი, მერი მაკკინლი, ტრეისი მობლი, დონ მოიერი, კეროლ მალიკენი, ჯინ ოპალკა, ჩარლი შნაიდერი, ჯეიმს სმიტი, ჯეი სმიტი, ბენ სტივენსი, რიჩარდ ტეილორი, დაიან თორნტონი და ჯონ უილისი. თქვენმა გონიერებამ, გამბედაობამ, იუმორმა, თანაგრძნობამ და მზადყოფნამ, გაგეზიარებინათ თქვენი ფაქიზი, საშიში, იმედისმომცემი და ინფორმაციით დატვირთული ისტორიები, მომცა საშუალება, შემექმნა ელისის პორტრეტი და ის გაცილებით მდიდარი და ადამიანური გამეხადა.
მინდა, განსაკუთრებული მადლობა გადავუხადო ჯეიმსს და ჯეის, რომელთაც, ალცჰაიმერის და ამ წიგნისთვის საჭირო ინფორმაციის მიღმა, უამრავი რამ მასწავლეს და შემმატეს. გამიმართლა, რომ შეგხვდით.
მადლობას ვუხდი მედიცინის სფეროს პროფესიონალებს, რომელთაც დიდსულოვნად გამიზიარეს თავიანთი დრო, ცოდნა და გამოცდილება, დამეხმარნენ, ჩავწვდომოდი დემენციის სპეციფიკას, ელისის დაავადების განვითარებას:
ექიმ რუდი ტანზისა და ექიმ დენის სელკოუს, ალცჰაიმერის მოლეკულური ბიოლოგიის საფუძვლიანად ახსნისთვის.
ექიმ ალირეზა ატრის, რომელმაც ნება დამრთო, ორი დღის განმავლობაში, მასაჩუსეტსის ცენტრალური საავადმყოფოს მეხსიერების დარღვევების განყოფილებაში, მის აჩრდილად ვქცეულიყავი. მადლობა, რომ მთელი თქვენი ბრწყინვალება მაჩვენეთ და თანადგომა გამოიჩინეთ.
ექიმ დოუგ კოლს და ექიმ მარტინ სემუელს, რომელთაც ალცჰაიმერის დიაგნოსტირებისა და მკურნალობის სიღრმეებში ჩამახედეს.
სარა სმიტს, რომელმაც ნება დამრთო, ნეიროფსიქოლოგიურ შემოწმებას დავსწრებოდი.
ბარბარა ჰოული მაქსამს, რომელმაც დამანახა, რამდენად დიდია სოციალური მუშაკის როლი, ასევე მასაჩუსეტსის ცენტრალური საავადმყოფოს მომვლელთა მხარდაჭერის ჯგუფს.
ერინ ლინენბრინგერს, რომელიც ელისის გენეტიკური კონსულტანტი გახლდათ.
მადლობა დოქტორ სტივენ პინკერს, რომელმაც ჰარვარდის ფსიქოლოგიის პროფესორის ცხოვრებაში ჩამახედა, ასევე დოქტორ ნედ საჰინს და დოქტორ ელიზაბეტ ჩუას, რომელთაც სტუდენტის მერხიდან დამანახეს ჰარვარდი.
მადლობა დოქტორ სტივ ჰიმენს, დოქტორ ჯონ კელსის და დოქტორ ტოდ კაჰანს, რომელთაც უპასუხეს ჩემს შეკითხვებს ჰარვარდისა და მისი პროფესორების ყოველდღიურობის შესახებ.
მადლობა დოუგ კოუფს, რომელმაც მსახიობობისა და ლოს-ანჯელესის შესახებ საჭირო ინფორმაცია მომაწოდა.
მადლობა მართა ბრაუნს, ენ კერის, ლორელ დელის, კიმ ჰოულენდს, მერი მაკგრეგორს და კრის ო’კონორს – თითოეული თავის წაკითხვისთვის, კომენტარებისთვის, ჩართულობისთვის და დაუცხრომელი ენთუზიაზმისთვის.
მადლობა დაიან ბარტოლის, ლირელინ კეის, როზ ო’დონელს და რიჩარდ პეპს რედაქტორული უკუკავშირისთვის.
მადლობა ჯოსლინ კელის, „კელი&ჰოლის“ წარმომადგენელს, იმისთვის, რომ არაჩვეულებრივი პუბლიცისტია.
განუზომლად დიდი მადლობა ბევერლი ბექჰემს, რომელმაც დაწერა საუკეთესო რეცენზია ჩემს წიგნზე. ნებისმიერ ავტორს, რომელიც წიგნს თავად ბეჭდავს, ასეთ რეცენზიაზე მხოლოდ ოცნება შეუძლია. სწორედ მან გამიკვალა გზა ჩემი გამომცემლის, ჯულია ფოქს გარიზონისკენ.
ჯულია, საკადრის მადლობას, ალბათ, ვერასოდეს გადაგიხდით. თქვენმა სულგრძელობამ ჩემი ცხოვრება შეცვალა.
მადლობა ვიკი ბიჯურს, რომელიც ჩემი წარმომადგენელი იყო და რომელმაც დამარწმუნა, დასასრული გადამეკეთებინა. ის არაჩვეულებრივი ადამიანია.
მადლობა ლუის ბერკს, ჯონ ჰარდის, კეტი საგანს და ენტონი ზიკარდის, რომ ელისის ისტორიის ირწმუნეს.
მინდა, დიდი მადლობა გადავუხადო ჩემს დიდ და ხმაურიან ოჯახს, ყველა ჯენოვას, რომელსაც წამითაც არ დაუხევია უკან და გარშემო ყველას მოუწოდებდა, ეყიდათ მისი შვილის/ძმისშვილის/ბიძაშვილის/დის წიგნი. თქვენ მსოფლიოში საუკეთესო პარტიზანი მარკეტოლოგები ხართ!
ასევე მინდა, მადლიერება გამოვხატო შედარებით მცირერიცხოვანი, მაგრამ არანაკლებ ხმაურიანი სოიფერტების ოჯახის მიმართ. ჩემი წიგნის პოპულარიზაციაში მათაც დიდი წვლილი მიუძღვით.
ბოლოს, დიდ მადლობას ვუხდი კრისტოფერ სოიფერტს ტექნიკური და ვებ მხარდაჭერისთვის, გარეკანის პირვანდელი დიზაინისთვის, იმისთვის, რომ დამეხმარა, აბსტრაქტული ხელშესახებად მექცია და ყველაზე და ყველაფერზე მეტად, პეპლებისთვის, რომლებიც მაჩუქა.
ჩუქება
