კრებულში შესულია ორი ისტორია ხევსურთა ცხოვრებიდან: "გიორგი მოუხელთებელი" და "ვეფხვი და ვეშაგი". "ნაწარმოები "გიორგი მოუხელთებელი" არის ნამდვილი ისტორია მამაჩემის - ბიძურათ გიორგის ცხოვრების, რომელიც ცნობილი იყო არა მარტო "წითლებთან" ბრძოლით, არამედ, როგორც ხევსურული რჯულის კარგი მცოდნე და მოსამართლე, რაც გენეტიკურად მოსდევდა ჩვენს მამიშვილობას. "ვეფხვი და ვეშაგი"კი არის ლეგენდა, რომელიც წინაპრებისაგან ზეპირად გადაეცემოდა თაობიდან თაობას. ბევრი ჩანაწერი მაქვს ხევსურთა ცხოვრებიდან. სამწუხაროდ, ეს წიგნი ყველაფრის გამოქვეყნების საშუალოებას არ იძლევა. ვიმედოვნებ, შემაძლებინებს ღმერთი, ჩემმა ნაკალმარმა ნახოს დღის სინათლე, შეხვდეს მკითხველს და კიდევ ერთხელ გააცნოს და გაახსენოს ხევსურთა ცხოვრების, ყოფის, ბრძოლის, სამართლისა და ზნეობის საინტერესო ამბები." გოგიტო არაბული