რა დარჩება შენგან, თუ შენს ყველა მოგონებას ერთიანად დაკარგავ? „ჯერ კიდევ ელისი“ ლიზა ჯენოვას ნაწარმოებია, რომელიც მოგვითხრობს ჰარვარდის უნივერსიტეტის პროფესორის, წარმატებული ელის ჰოულენდის ისტორიას. ელისი მეხსიერების და ენის მკვლევარია, რომლის ცხოვრებაც რადიკალურად იცვლება მას მერე, რაც ექიმები ალცჰაიმერის დიაგნოზს დაუსვამენ – თანდათანობით ავიწყდება სიტყვები, ერევა აზრები, იკარგება დროისა და სივრცის აღქმაში. ელისის თვალით ჩვენ ვხედავთ, როგორ იცვლება იდენტობა, როცა მეხსიერება აბსოლუტურად ქრება, როგორ შლის ავადმყოფობა ყოველდღიურობას და, პარალელურად, ქმნის სივრცეს ახალ, დაუჯეrებელ რეალობასთან შეგუებისთვის.