“მთებისა და ზღვების გავლით” ისტორიით შთაგონებული რომანია. წიგნის მთავარი გმირი, ვუ სიაოხაო, ისტორიითა და წარსულით შეპყრობილი ახალგაზრდა ქალია, რომელსაც თავისი საქმიანობით სურს ისტორიის ფურცლებზე თავისი კვალი დატოვოს. სიაოხაო სოფლად დაიბადა და ოჯახში მისი დაბადება არ უზეიმიათ, რადგან მამას ვაჟი სურდა. რომანის მთავარი გმირი უნივერსიტეტში ისტორიას სწავლობდა და ეს სფერო ძალიან აინტერესებდა. თუმცა, ფინანსური ვალდებულებების გამო, იძულებული გახდა მოძალადეზე დაქორწინებულიყო. პირად ცხოვრებაში არსებული სირთულეების მიუხედავად, არასოდეს შეუწყვეტია ოცნებებისკენ სწრაფვა. ახალგაზრდა, გულანთებული ქალი მკითხველში სიბრალულის, სიყვარულისა და პატივისცემის განცდას იწვევს. მისი ცხოვრების გზა და ბედის უკუღმართობა კი გულგრილს არ დაგტოვებთ სიაოხაოს მიმართ.