ბიჭსა და გოგონას მშვიდი ცხოვრება სურთ, ბოროტებისა და წყვდიადისგან შორს, მაგრამ გოგონაზე მისი ზებუნებრივი ძალების გამო ნადირობენ. ორივე იბრძვის სიცოცხლისა და სიყვარულის გადასარჩენად, ხშირად იმედი უცრუვდებათ, მარცხდებიან კიდეც და ლამის დაკარგონ ერთმანეთი, მაგრამ გოგონა, ალინა სტარკოვი, მზის გამომწვეველია, მზეს კი სიბნელე ვერასოდეს მოერევა და ის იღებს გამოწვევას! ”ალყა და გრიგალი“ ლი ბარდუგოს ფენტეზი-საგის მეორე წიგნია მაგიური სუპერძალების მქონე გრიშებზე. ციკლის ეკრანიზაციის უფლება მოიპოვა დევიდ ჰეიმანმა, რომლის დამსახურებაა, რომ მაყურებელმა ჰარი პოტერის შესახებ შესანიშნავი ფილმები იხილა. The New York Times-ის ვერსიით ბესტსელერად აღიარებული ”ალყა და გრიგალი“ 30 ენაზე ითარგმნა, ამჯერად კი მათ რიცხვს ქართული თარგმანიც შეემატა.