წიგნში აღწერილია ნამდვილი ამბავი სამშობლოდან გადახვეწილი, მძიმე სენით დაავადებული ბავშვისა და მისი მშობლების შესახებ. შვილის ავადმყოფობით გამოწვეული განცდების გარდა ყურადღება გამახვილებულია იმ სირთულეებზე, რომლებსაც შეეჩეხნენ საქართველოდან ევროპამდე. ყველაფრის მიუხედავად მტკიცეა რწმენა, რომ სიცოცხლეს გაუხანგრძლივებენ საკუთარ პირმშოს. ბუდაპეშტის აეროპორტში ავარიული დაშვება კიდევ უფრო ამძაფრებს საბრძოლო ჟინს, თუმცა პრობლემები არ მთავრდება. მოგვიანებით გეზი უნგრეთიდან იტალიისკენ იცვლება. მსოფლიოს სხვადასხვა კუთხიდან გაერთიანებული ათასობით ადამიანი კი მზადაა თავისი წვლილი შეიტანოს სიცოცხლის გადასარჩენად.