სახელმწიფო ორგანიზაციების მაცოცხლებელი პროცესი “ ყოჩაღი ” , შემოქმედებითი მენეჯერების დრო სულ უფრო სწრაფი ტემპებით გადის. ადამიანები, რომლებსაც შეუძლიათ ბევრი საინტერესო იდეა მოიფიქრონ და მერე სწრაფად იმოქმედონ ამ იდეების განსახორციელებლად სულ უფრო ნაკლებ ღირებულებას წარმოადგენენ ორგანიზაციებისათვის. მათ ადგილს ისეთი ხელმძღვანელები იკავებენ, რომლებსაც მდგრადი, სტაბილური სისტემების შექმნა, აწყობა და მუდმივი განვითარება გამოსდით. დანარჩენს ყველაფერს, კი ეს სისტემები აკეთებენ ბევრად მეტს, უფრო სწრაფად და ბევრად უკეთ, ვიდრე ამას “ ყოჩაღი ” , შემოქმედებითად აღგზნებული ხელმძღვანელები ახერხებენ.
ეს ბოლო რამდენიმე თვეა, ერთ-ერთი დიდი სახელმწიფო ორგანიზაციის სტრუქტურაზე გვიწევს მუშაობა. მიუხედავად იმისა, რომ მსგავსი დასკვნა დიდი ხანია გავაკეთეთ, ამ ორგანიზაციის მაგალითზე, კიდევ უფრო ცხადად დავრწმუნდით, რამდენად მნიშვნელოვანია კარგად გამართული სისტემები ორგანიზაციის, მითუმეტეს, ასეთი კომპლექსური ორგანიზაციის, გამართული ფუნქციონირებისათვის.
ამ სტატიაში, განსაკუთრებული აქცენტი, ერთ, ჩვენი აზრით, მათთვის ყველაზე მნიშვნელოვან პროცესზე გვინდა გავაკეთოთ. მიგვაჩნია, რომ თუ ისინი შეძლებენ ეს პროცესი გამართონ, მათი და შესაბამისად ქვეყნის წარმატება ბუნებრივად მოვა. თუ ისინი ამ პროცესის გამართვას ვერ მოახერხებენ, შედეგებიც სულ უფრო უარესი და უარესი იქნება.
1. იდეების, ინფორმაციის, წინადადებების მძლავრი, სტაბილური წყაროების შექმნა
ჩვენი აზრით, ნომერი ერთი, ყველაზე მნიშვნელოვანი ამოცანა, რომელიც თითქმის ყველა სახელმწიფო ორგანიზაციის, განსაკუთრებით კი სამინისტროების, წინაშე დგას, არის - მივიდნენ განსაკუთრებით ახლოს საზოგადოებასთან, მომხმარებელთან, ადამიანებთან და ორგანიზაციებთან, ვინც მათთვის საინტერესო ინფორმაციასა და კომპეტენციებს ფლობენ. ააწყონ მათგან ინფორმაციის, იდეების, წინადადებებისა და რეკომენდაციების, მოთხოვნების შეგროვების მძლავრი, სტაბილური წყაროები. მათ უნდა შეძლონ გამართონ საინფორმაციო არხები და სისტემები, რომლებიც მუდმივად მოამარაგებს მენეჯმენტს ღირებული რჩევებით, ინფორმაციით, წინადადებებით მომხმარებლების მხრიდან. ასევე, რაც არანაკლებ მნიშვნელოვანია - საჩივრებითა და პრეტენზიებით.
საჭიროა ყველა ასეთ ორგანიზაციის სტრუქტურაში, სწორ ადგილას, შეიქმნას მინიმუმ ერთი ძლიერი ქვედანაყოფი, რომელიც მენეჯმენტისთვის მნიშვნელოვანი ინფორმაციის, იდეებისა და წინადადებების შეგროვებითა და პირველადი გადარჩევით იქნება დაკავებული. ცალკეულ ორგანიზაციაში ეს ამოცანა იმდენად მნიშვნელოვანია, რომ შესაძლოა ამ მიმართულებით ერთზე მეტმა ქვედანაყოფმაც კი იმუშაოს. საჭიროა კარგად გაიმართოს ელექტრონული არხების (ფორუმების, ბლოგების, საინფორმაციო საიტების) სკანირების სისტემა, უნდა დაიწყოს იმ ადამიანებისა და ორგანიზაციების გამოვლენა, ვინც მენეჯმენტისთვის ღირებულ ინფორმაციას, წინადადებებსა და იდეებს შეიძლება ფლობდეს. უნდა დაიწყოს მათთან აქტიური მუშაობა, ურთიერთობების აწყობა, გამართვა და განვითარება. პერიოდულად, მათგან წამოღებული მოსაზრებები და ინფორმაცია კი ორგანიზაციის უწყვეტი ყურადღებისა და სწრაფი რეაგირების საგანი უნდა გახდეს.
ასევე, მნიშვნელოვანია სოციოლოგიური და მარკეტინგული კვლევების ფართოდ დანერგვა სამინისტროებისა და სხვა დიდი სახელმწიფო ორგანიზაციების საქმიანობაში. რეგულარული გამოკვლევები, მათი შედეგების მუდმივი ანალიზი უნდა იყოს მოქმედებების, გეგმების, სტრატეგიებისა და თუ გნებავთ, პოლიტიკის განსაზღვრის საფუძველი, და არა პირველი პირების მიერ წაკითხული რამდენიმე წიგნი ან მათი უახლესი “ მრჩევლების ” მსოფლმხედველობა, პირადი ხედვები და პრეფერენციები.
ამ მიმართულებით მძლავრი “ მანქანის ” აწყობას კრიტიკული მნიშვნელობა აქვს განსაკუთრებით მაშინ, როდესაც მენეჯმენტს ძალიან ძლიერ ექსპერტებად მიაჩნია თავი. ასეთ დროს, მათი სწორი გზიდან აცდენა ყველაზე ადვილად შეიძლება მოხდეს. გამართული უკუკავშირის არხები კი მათ ამის საშუალებას არ უნდა აძლევდეს. მათი დრო და ყურადღება იმ საკითხებზე უნდა იხარჯებოდეს, რაც საზოგადოებიდან მოდის, იმ იდეების მხარდაჭერას უნდა ემსახურებოდეს, რომელსაც ექსპერტები ურჩევენ და არა საკუთარი იდეებისა და თუ გნებავთ, ბავშვობის ოცნებების განხორციელებას.
რამდენადაც მენეჯმენტს არ უნდა ეგონოს, რომ იდეები ისედაც ბევრი აქვს და მათ ნაკლებობას არ უჩივის, საზოგადოებიდან წამოსული სიგნალების სტიმულირება, ამისათვის საჭირო არხების გამართვა, აწყობა და მუდმივი განვითარება ერთადერთი პირობაა იმისა, რომ ორგანიზაცია სწორ, საჭირო საკითხებზე იმუშავებს და იმისაც, რომ მის ძალისხმევას და განხორციელებულ სამუშაოს სათანადო შედეგები მოჰყვება რეალურ ცხოვრებაში.
მოკლედ, ჩვენ ამ ორგანიზაციაში კვლევების, საინფორმაციო არხების მართვისა და განვითარების ძლიერი დეპარტამენტის შექმნას ვგეგმავთ, რომელსაც დაევალება განავითაროს არხები, მიიღოს და გადაარჩიოს ინფორმაცია ამ არხებიდან და მუდმივად წარუდგინოს მენეჯმენტს შემდგომი რეაგირებისათვის.
2. ინფორმაციის გადარჩევისა და პრიორიტეტიზაციის ქმედითი მექანიზმი
მეორე მნიშვნელოვანი ცვლილება, რომელიც ამ პროექტის ფარგლებში იგეგმება - შეიქმნას პოლიტიკისა და საკანონმდებლო ბაზის განვითარების საბჭო. ეს იქნება კოლეგიალური ორგანო, რომელიც თვეში ორჯერ შეიკრიბება, განიხილავს ყველა იმ ინფორმაციას, იდეას თუ წინადადებას, რომელიც ქვეყანაში ამ ორგანიზაციის ინტერესების სფეროებში არსებობს. საბჭო ვალდებულია განიხილოს ყველა საგულისხმო ინფორმაცია და შეთანხმდეს თითოეულ მათგანზე როგორი რეაგირება მოახდინოს, რა ნაბიჯები გადადგას სიტუაციის შემდგომი