"ისე მოხდა რომ სწორედ კარანტინში ყოფნის დროს, რატი ამაღლობელმა, ყოფილი პატიმრის ჩანაწერები გამომიგზავნა და კითხვა კი ძალიან მიყვარს, მაგრამ უცებ მაინც ვიფიქრე რომ ახლა, კარანტინში ყოფნისას, ციხის ამბების წაკითხვის დრო, სურვილი და განწყობა, უბრალოდ არ მქონდა. თუმცა შევცდი და რადგან მაინც ვერ მოვითმინე და თვალი მაინც გამექცა ახალი და უცნობი ტექსტისკენ, მერე ვერც მოვწყდი და სანამ ბოლოში არ გავედი, არც გავჩერებულვარ. მეტიც, გარდა იმისა რომ ნიჭიერი ავტორი აღმოვაჩინე, ისიც აღმოვაჩინე რომ სწორედ კარანტინში (ნებისმიერი ადამიანისთვის), შეიძლება მისწრებაც კი იყოს ეგრეთ წოდებული ციხის ლიტერატურა (თუნდაც იმისთვის), რომ ნებისმიერი ორკვირიანი კარანტინი, ნამდვილ სამოთხედ მოეჩვენოს. ამიტომაც, სანამ კარანტინი, იზოლაცია და საგანგებო მდგომარეობაა (ანუ სანამ ეს მოთხრობები ბეჭდურ წიგნად გამოიცემა), კოკა წულაიას შემოქმედებისა და შთაბეჭდილებების გაცნობა, ელექტრონული ვერსიის საშუალებით მოგვიწევს..." - დათო ტურაშვილი