როდესაც უფალმა ადამის ნეკნისგან შექმნა ჩვენი პლანეტის უმშვენიერესი არსება - ქალი, სიყვარულიც მასთან ერთად გააჩინა. მას შემდეგ ქალი და სიყვარული, სიყვარული და ქალი ერთ არსებად იქცა. ასე რომ, ქალი უსიყვარულოდ იგივეა, რაც დედამიწა - მზის სხივების, სინათლისა და სითბოს გარეშე. ამ კრებულში შემავალ თითოეულ ლექსს თავისი ისტორია აქვს. თითოეული მათგანი სულის წრიალის შედეგია და გულის უკიდეგანო სიღრმეშია დაბადებული. თუ როგორ ვეფერები სიყვარულისთვის ლაღად შექმნილ, მთელი სამყაროს მშვენება - თვალს, ძვირფასო მკითხველო, განსასჯელად თქვენთვის მომინდია.