შეიძლება საუკეთესო გაიმეტოს ცხოვრებამ შენთვის, მაგრამ იმდენად შეეჩვიო ყველაფერს, რომ რუტინამ ბედნიერების შეგრძნება დაგაკარგვინოს. ელი სტუდენტი ხდება, პროვინციას ტოვებს და თბილისში, დასთან გადადის საცხოვრებლად. არც ისე ადვილი აღმოჩნდება ახალ გარემოსთან შეგუება, თუმცაღა მომავალ სირთულეებთან შედარებით ეს ჯერ კიდევ არაფერია... მალევე აღმოაჩენს საკუთარ თავს უტას რვეულის "უჯრიან ფურცელზე", გაიცნობს მას და მის ორთვლიან მონსტრს. ყველაფერი შესანიშნავადაა თითქოს, მაგრამ უტასთან უსტატუსო თანაცხოვრება და მისი ოჯახური დოგმა სრულ წინააღმდეგობაში მოდის ერთმანეთთან. ელიმ თავადაც არ იცის როდის იწყება მისი და უტას ურთიერთობის ბზარი, მაშინ როდესაც წლები და უცვლელი სტატუსი მოსაწყენი ხდება, თუ მაშინ როდესაც აკრძალულ ურთიერთობას იწყებს.