იტვირთება...

ქუნარეშ

სოსო მეშველიანი

7,222 ნახვა
5
(0 რეცენზია /3 შეფასება)
მსურს წავიკითხო
ჩემი რჩეული
2
ყიდვა
ჩუქება
ანოტაცია
ნინო სადღობელაშვილი: "ქუნარეშ – ძველი სვანური ტრადიციაა და სულთა სტუმრობის კვირეულს ნიშნავს, რომელსაც ძველით ახალი წლის ხუთშაბათიდან მომდევნო ხუთშაბათამდე ყველა ოჯახი აღნიშნავს. სვანების რწმენით, ამ ერთი კვირის განმავლობაში მათი ოჯახის მიცვალებულთა სულები შინ, მათთან ერთად იმყოფებიან. ეს რწმენა, ისევე როგორც ბევრი სხვა რწმენა და ტრადიცია, დღესაც ცოცხალია სვანეთში და რაც მთავარია, ის ამ წიგნის საიდუმლო სულიცაა. აქედან, ამ უხსოვარიდან და იდუმალიდან მოდის ყველა შემდგომი განწყობა და შთაბეჭდილება, რაც პოეტს რომანივით საკითხავ, შფოთიან თავგადასავალში უნდა გადახდეს. პატრიარქალური სვანეთის სოფლიდან ესპანეთის ქალაქებამდე, ევროპის გავლით – ამ გეოგრაფიულ არეალშია მოქცეული ის დიდი ცხოვრება, პოეზის გარდა ნოველებად, მინიატურებად, ჩანაწერებად რომ აქცია სოსო მეშველიანმა. მკითხველს იპყრობს სულისშემძვრელი აქცენტებით დანახული და მოყოლილი ამბები ბილბაოდან, კატალონიიდან თუ ლენტეხიდან; ეს მხოლოდ პოეტის მოყოლილი ამბები არაა, ეს მეხსიერების ანაბეჭდებიცაა, იმ სიძველის და დროის ანაბეჭდები, როცა ადამიანი სამყაროსთან პირისპირ იდგა და სულ სხვა სიტყვებით ლაპარაკობდა. და კიდევ – არქაულის და თანამედროვეს ტანდემიც ამ წიგნში ბუნებრივი და შთამბეჭდავია".
ვრცლად
რეკომენდებული ელ. წიგნები
დაწვრილებით ელ. წიგნის შესახებ
გიორგი ლობჟანიძე: "ამ ავტობიოგრაფიულ ნაწერებს აქვს ერთი დიდი ნაკლი: ადამიანი ცდილობს იმაზე უკეთესად წარმოაჩინოს საკუთარი თავი, ვიდრე არის სინამდვილეში. სოსოსთან ასეთ რამეს ვერ შეხვდები. ისე არის დაწერილი ეს ყველაფერი, რომ შენს თვალწინ იქმნება ყველა ტექსტი მთელი თავისი მოულოდნელობებით და ჩანს ადამიანი, შერჩენილი ამ მოვლენების პირისპირ, თვითონაც, ხშირ შემთხვევაში, დაბნეული, გულუბრყვილო, მაგრამ არასოდეს ცდილობს ავტორი, რომ შეალამაზოს რაღაც. მეორე, რაც ძალიან მნიშვნელოვანია, თემატურად ორ სივრცეს მოიცავს: ერთი არის მისი ბავშვობისდროინდელი და სიყმაწვილისდროინდელი სვანეთი, რომელთანაც ის მუდმივად ემოციურად არის დაკავშირებული, და მეორე არის ემიგრაციაში ყოფნის პერიოდი. სხვათა შორის, ქართულ ლიტერატურას ძალიან აკლია აღწერა იმისა, თუ როგორ ცხოვრობენ უცხოეთში წასული ქართველები. რაღაც სერიოზული რომანი ან ნაწარმოები ამ თემაზე არ მახსენდება. ვთქვათ, სავაჭროდ წასული ქართველები ან სამუშაოდ წასული ქართველები, ან მოხუცების მომვლელად წასული ქართველები... გაგახსენდება, ვთქვათ, ზაირა არსენიშვილის შესანიშნავი მოთხრობა "ქალმა ქმარი დაიტირა", რომელზეც მერე ნუცა ალექსი-მესხიშვილმა გადაიღო ასევე კარგი ფილმი "ფელიჩიტა" და ეს ერთ-ერთი ყველაზე შთამბეჭდავი რამ იყო, მაგრამ მაინც ეს ყველაფერი არის ფრაგმენტული. თანაც, სოსოს შემთხვევაში ეს არის პირველი პირის მიერ მოთხრობილი, უშუალოდ განცდილი და მთლიანად იმ ამბებში მყოფი ადამიანის არა მხოლოდ შთაბეჭდილებები, უკვე გააზრება მთელი იმ პროცესებისა, რაც მას თავიდან შეიძლება ვერც წარმოედგინა, როცა უცხოეთში მიდიოდა და, უბრალოდ, ამ სიტუაციებში აღმოჩნდა და სოსოს ეყო იმდენი ძალა, რომ ამ ყველაფერზე სიმართლით ელაპარაკა და, რაც მთავარია, გაეაზრებინა, რა ხდება მის თავს". შოთა იათაშვილი: "მთავარი სიმძიმე ემიგრანტული პერიოდის ტექსტებისა არ მოდის სოციალური გაჭირვების აღწერაზე, იმაზე, თუ რა ქანცისგამწყვეტი შრომა და რამდენი პრობლემის გადალახვა უწევს მას, რათა რაღაცნაირად დაიმკვიდროს თავი უცხო გარემოში. რა თქმა უნდა, არის ყოველივე ეს და ძალიან დამთრგუნველია ამის კითხვა, მაგრამ სოსო მეშველიანს ყველაზე მეტად სულ სხვა რამ აწუხებს და ამაზე ზღვრამდე მისული სიმძაფრით წერს: ესაა ის დამოკიდებულებები, რასაც იგი ემიგრანტ ქართველებს შორის ხედავს: გაუტანლობა, ერთმანეთის ბოროტად გამოყენება, ორპირობა და, საბოლო ჯამში, ადამიანის გულცივად გაწირვის უნარი. ყველაზე თვალსაჩინოდ ამ „შინაგანად დამძაღებულ, დაბინძურებულ სისტემას“ იგი მოთხრობაში „ავგიას თავლა“ გვაჩვენებს. ესაა ამბავი ერთ პატიოსან, მორცხვ და თავმდაბალ ტრაქტორისტ დათოზე, რომელიც სხვების წაქეზებით სვანეთიდან ესპანეთში მიდის სამუშაოდ და იქ გაქექილი ქართველები ისეთ დღეში ჩააგდებენ, რომ განავლის მწმენდავად აქცევენ, ვალებში დაახრჩობენ, საკვებისა და სიგარეტის გარეშე დატოვებენ, შრომაში სულს ამოხდიან და ბოლოს ისე გაამწარებენ, რომ მკვლელად აქცევენ. ძალიან მტკივნეულია ყოველივე ამის კითხვა, მაგრამ ძალიან აუცილებელიცაა".
ელ. წიგნის მახასიათებლები
სათაური:
ქუნარეშ
გამოცემის თარიღი:
2017
გვერდები:
96
კატეგორია:
დოკუმენტური პროზა
ნახვები:
7222
რეიტინგი:
5
მკითხველთა რეცენზია
საშუალო შეფასება
(3) რეცენზია
5
რეიტინგის განაწილება
  • 5
    [3]
  • 4
    [0]
  • 3
    [0]
  • 2
    [0]
  • 1
    [0]