რომანში მოთხრობილია ობოლი რუსი ბიჭის და ქართველი გოგონას სიყვარულის ისტორია. სიუჟეტი რეალური ცხოვრებიდანაა აღებული. ეს ამბავიც და სხვაც, რომელიც აქ არის აღწერილი ნამდვილად მოხდა, მაგრამ სხვადასხვა დროს და სხვადასხვა ადგილას. მე ისინი შევკრიბე, ერთმანეთთან დავაკავშირე და ავკინძე. ამ სევდიანი ამბის დაწერაზე მრავალი წელი ვფიქრობდი, მაგრამ მისი სიმძიმის გამო მიჭირდა წერის დაწყება. როგორც იქნა შარშან დავიწყე და შემდეგ ისევ მივატოვე, და აი, ახლა, ზუსტად ერთი წლის შემდეგ დავასრულე. როგორ გავართვი თავი დასახულ მიზანს, ამის შეფასება მკითხველისთვის მიმინდვია. აქვე, პატიება უნდა ვთხოვო მათ იმ განცდებისათვის, რომელსაც რომანის წაკითხვა მოუტანთ. პატივისცემით ლირა ჩრდილელი.