ავტორების მადლიერება რითი დავიწყოთ?
პირველ რიგში, გულითად მადლობას ვუხდით იმ მრავალ კომპანიასა და ორგანიზაციას, რომლებმაც თავიანთი ბიზნესის ბრენდების წარმატება და მომავალი თითოეულ ჩვენგანს მიანდვეს. სწორედ აქედან დაიწყო თქვენი წარმატებები!
ჩვენ ასევე დიდ მადლობას ვუხდით გამომცემლობა ჭილეყს, რომელმაც მოგვცა უნიკალური შანსი, გვესაუბრა ბრენდინგის არსზე მსოფლიოში სახელგანთქმული ბრენდის წიგნის საშუალებით. შესყიდვების დირექტორმა ჯოის პეპლმა, შესყიდვების რედაქტორმა მაიკლ ლიუისმა, პროექტების მთავარმა რედაქტორმა კრისი გუთრიმ და ტექსტის უფროსმა რედაქტორმა ელიზაბეთ რეამ ყველაფერი გააკეთეს იმისთვის, რომ ამ წიგნზე მუშაობა ყოველმხრივ სასიამოვნო ყოფილიყო. ამისთვის მათ – უდიდესი მადლიერება და აღიარება ჩვენგან.
განსაკუთრებული მადლობა ბილ ბერენსონს, "ბრენდის არქიტექტორების" მფლობელს, რომელმაც აქტიურად გამოიყენა თავისი გამოცდილება და სიბრძნე ამ წიგნის ტექნიკური მხარის შესრულების პროცესში. გაგვიმართლა, რომ ის ასეთი ნიჭიერია.
გარდა ამისა, მადლობა თითოეული ჩვენგანისგან.
ბილისგან: ჩემი ცხოვრების განმავლობაში, ბრენდების განვითარებაზე 20 წლიანი მუშაობის პარალელურად, ათასზე მეტი წიგნის ყდის დიზაინზე მიმუშავია. თუმცა, წიგნის დაწერაზე არასოდეს მიფიქრია, რომ არა ბარბარა ჩენქი. ბარბარა და პიტერ, მადლობას გიხდით იმისთვის, რომ თითქმის 10 წლის განმავლობაში ჩემი მხარდამჭერები და მრჩევლები იყავით. ასევე მადლობა მინდა გადავუხადო "ბრენდის ნავიგაციის" პერსონალს – ბენს, დეანას, რასს, სტივს, ტერა მარკს და ბრიტანის. თქვენ გარეშე ბრენდებზე მუშაობა ასეთი სახალისო არ იქნებოდა.
განსაკუთრებული მადლობა ჩემს შვილებს: ჰეიდის, უილს, მაიკლსა და ლაურას, რომლებსაც ბრენდებზე ჩემი "დამოკიდებულების" მიუხედავად, ასე ვუყვარვარ.
ყველაზე მეტად კი მადლობა ჩემს ლამაზ მეუღლეს. იგი არა მარტო ჩემი ბიზნესპარტნიორია, არამედ ჩემი მეგობარი და ჩემი ცხოვრების ერთადერთი სიყვარულია. შენ მე მავსებ.
ბარბარასგან: უღრმესი მადლობა ბილს, რადგან დამთანხმდა ამ წიგნის თანაავტორობაზე და ამით მნიშვნელოვანი ღირებულება შემატა მას. ასევე უდიდესი მადლობა ყველას, ვინც ჩემი ცხოვრება წარმატებული და სიხარულით სავსე გახადა: ჩემს მეუღლეს პიტერს და ვაჟს მეთიუს, ჩემს სამ დასა და მშობლებს.
დაბოლოს, მადლობა თქვენ, რადგან ბრენდის შექმნისთვის სახელმძღვანელოდ ეს წიგნი შეარჩიეთ. მიიღეთ ჩვენი საუკეთესო სურვილები ბრენდინგის სამყაროში მოგზაურობისას!
ჩუქება
