"ლექსო უკვე პროფესიონალი მწერალია. წერის არამძიმე სტილისა და სათქმელის ერთგვარი სიმძიმის კარგი სინთეზი ამის უტყუარი დასტურია; დიალოგებსაც ოსტატურად აგებს. ამ მხრივ თანამედროვე ავტორებს ხშირად პრობლემა აქვთ, მათი სცენები ცოტა ხელოვნურია და აცდენილია რეალურ საფუძველს. ამ ნოველებში ბევრი ბეწვის ხიდია გავლილი: ზედაპირულობა სისადავით არის დაძლეული, მძიმე სიტუაციები კი – ეფექტური დინამიკით. ბრწყინვალეა ლექსოს აღწერილი ყოფითი დეტალები, ნაცნობი პერსონები, ყველას რომ შეგვხვედრია. ის თითქოს ერთი მხრივ ირონიულია, მეორე მხრივ კი თვითირონიით თანაუგრძნობს ყველა გმირს." - გიორგი კეკელიძე.