ზღვარს მიღმა - ჩემი ამბავი

ლუის სუარესი უკვე ფეხბურთზე შეყვარებული პატარა ბიჭი იყო, როდესაც მისი ოჯახი საცხოვრებლად ურუგვაის დედაქალაქ მონტევიდეოში გადავიდა. ქუჩის ბიჭის ეშმაკობამ და ხრიკებმა ქვეყნის უდიდეს კლუბ „ნასიონალთან“ დააკავშირა, მერე კი ჰოლანდიელმა სკაუტებმა შენიშნეს და ევროპისკენ გაუკვალეს გზა. „აიაქსიდან“ სუარესი მერსისაიდში გაიტყუეს კენი დალგლიშის სიმბოლური 7 ნომრით. ამ მომენტიდან მოყოლებული, იგი ატერორებდა პრემიერლიგის მცველებს, წინ მიუძღვოდა გამოცოცხლებულ „ლივერპულს“, 24 წლის განმავლობაში, მათი ყველაზე ამაღელვებელი სეზონისაკენ. მაგრამ ლუის სუარესს კიდევ ერთი მხარე აქვს: ბუნებრივად ცეცხლოვანი ტემპერამენტი, რაც მისი წარმმართველი იყო მოედანზე. საჯარო ინციდენტები ჰქონდა „მანჩესტერ იუნაიტედელ“ პატრის ევრასთან დაპირისპირებისა და „ჩელსის“ მცველ ბრანისლავ ივანოვიჩის კბენის გამო. ბრაზილიაში მსოფლიო ჩემპიონატის დროს, იტალიის წინააღმდეგ თამაშისას, მან მცველ ჯორჯო კიელინის მხარზე უკბინა. რამდენიმეთვიანი დისკვალიფიკაცია მისცეს, პრესის მხრიდან დაცინვის ობიექტი გახდა და იძულებით გაუშვეს ქვეყნიდან. ზაფხულში ყველა დროის ყველაზე ძვირადღირებული ფეხბურთელი გახდა და „ლივერპულიდან“ „ბარსელონაში“ გადავიდა. წიგნში „ზღვარს მიღმა“ ლუის სუარესი გულწრფელად საუბრობს მისი დამაინტრიგებელი კარიერის, ყოვლად გამოუსადეგარი ქუჩის ბიჭობიდან დიდ სცენაზე მოთამაშე ფეხბურთელად ჩამოყალიბებისა და იმ შეგრძნების შესახებ, რაც თითქოს აიძულებს, რომ ზღვარს გადააბიჯოს.