1
მტკივა, ყველაფერი მტკივა. თვალებში შუქი მანათებს, თავი მისკდება. ნესტოებს სისხლის მყრალი სუნი მწვავს, ხელებიც სისხლში მაქვს მოთხვრილი.
-ლეონორა?
ტკივილისაგან გაბრუებულს ხმა ყრუდ მესმის. ვცდილობ, თავი გავაქნიო, სიტყვის სათქმელად ტუჩებს ვერ ვიმორჩილებ.
-ლეონორა, აღარაფერი გემუქრებათ, საავადმყოფოში ხართ. ახლა სკანირებაზე მიგვყავხართ.
ქალის ხმაა. მკაფიოდ და ხმამაღლა ლაპარაკობს. მისი ხმისაგან ტკივილი მატულობს.
-არის ვინმე, ვისაც უნდა დავურეკოთ?
ისევ ვცდილობ, თავი გავაქნიო.
-თავი გაქვთ დაშავებული, ნუ გაანძრევთ.
-ნორა, -ვჩურჩულებ მე.
-გინდათ, ნორას დავურეკოთ?
-მე... ჩემი სახელი.
-ძალიან კარგი, ნორა, შეეცადეთ, დამშვიდდეთ. ეს არ გეტკინებათ.
მაგრამ მტკივა, ყველაფერი მტკივა.
რა მოხდა?
რა ჩავიდინე?