თეთრი თაგვი პიპა ინსტიტუტის ლაბორატორიაში ცხოვრობდა და ეზოში გარეთ ფეხს ვერ ადგამდა, იმიტომ რომ კატების ეშინოდა, რომლებიც იქ ბინადრობდენენ. ინსტიტუტის დამლაგებელი მათ საჭმელს აჭმევდა და ამიტომ, ისინიც სულ იქაურობას დარაჯობდნენ.
ერთხელ პიპას ეზოდან საწყალობელი ჭყივილი შემოესმა. ბუჩქის ძირას ერთი პატარა მერცხალივით ჩიტი ფართხალებდა და ვერც აფრენას ახერხებდა და ვერც გადაადგილებას. პიპამ დაინახა, რომ ერთი ფისუნია უკვე უახლოვდებოდა მას და სადაცაა პირსაც დაავლებდა.