იმ წლებში, როდესაც საქართველოში დიდი კრიზისი იყო პოლიტიკური, კულტურული თუ ეკონომიკური თვალსაზრისით, მოქალაქეობრივი, მწერლური ეთიკიდან გამომდინარე, ლერი ალიმონაკი, განსხვავებით "პოლიტიკაში არ ვერევის" მქადაგებელთაგან, ჩუმად არ ყოფილა. იმხანად დაუკავშირდა მას ამერიკაში მოღვაწე ქართველი კაცი, შოთა ვაშაკიძე, გამომცემელი საზოგადოებრივ-პოლიტიკური ინტერნეტ-გაზეთისა "კვალი". შეთანხმდნენ, რომ კვირაში ერთხელ მიაწვდიდა შვიდი დღის ქრონიკას – მის ფიქრებს საკუთარ სულიერ თუ საზოგადოებრივ ყოფიერებაზე. ასე იშვა "შვიდი დღის ქრონიკა". თუმცა გაზეთის მოცულობის რეგლამენტის გამო, ცხადია, ბევრი რამ აქედან გამოუქვეყნებელი დარჩა. მკითხველს საშუალება ეძლევა სრულად გაეცნოს ამ ჩანაწერებს.