ზონა ხიფათითა და ანომალიებით სავსე ადგილია. მისი სტუმრის ყოველი ნაბიჯი შეიძლება უკანასკნელი აღმოჩნდეს. იქ შეღწევა თითქმის შეუძლებელია. ადამიანისთვის ასეთ მტრულ გარემოში მოხვედრა ნებაყოფლობით ცოტა თუ ვინმეს მოუნდებოდა, რომ არა ის არტეფაქტები, რომლებიც დედამიწაზე უცხო ცივილიზაციის წარმომადგენლებმა ხანმოკლე ვიზიტისას დატოვეს. მათ, ვინც ყველაფრით რისკავენ, რათა ზონაში იპოვონ თავისუფლება, უკან დაბრუნებულებმა კი მოპოვებული არტეფაქტები შავ ბაზარზე გაყიდონ, სტალკერები ჰქვიათ. სწორედ ერთ-ერთი მათგანის ისტორიაა „პიკნიკი გზის პირას“ – ძმებ სტრუგაცკების მაგნუმ ოპუსი, სამეცნიერო ფანტასტიკის ჟანრის ერთ-ერთ ყველაზე მნიშვნელოვანი ნაწარმოები.