თანამედროვე სირიელი მწერალი ქალის სალვა ან-ნაუმის რომანი „თაფლის სამხილი“ გამოცემისთანავე ბესტესელერად იქცა, თუმცა ზოგ არაბულ ქვეყანაში ნაწარმოების შეტანა და გავრცელება სასტიკად აიკრძალა. აღმსარებლობითი პროზის ამ ბრწყინვალე ნიმუშში მწერალი ცდილობს თავისი პირადი გამოცდილებისა და ტრადიციული არაბული სექსუალური ტრაქტატების გაანალიზების საფუძველზე მოგვცეს ერთი მხრივ, სექსუალურობის არაბული გაგებისა და მეორე მხრივ, თანამედროვე სამყაროში ქალისა და მამაკაცის ურთიერთობის მოდელების მკაფიო სურათი. წიგნი მსოფლიოს მრავალ ენაზეა თარგმნილი და ახლა უკვე მისი გაცნობა ქართველ მკითხველსაც შეეძლება არაბული ლიტერატურის აღიარებული მთარგმნელის, გიორგი ლობჟანიძის ნამუშევრით.