ვინ არის ყვარყვარე? ის მარადიული „გმირია” ანუ ანტიგმირი. ვინც ყველაზე უკეთ თევზაობს მდორე წყალში, ვისაც ყველაზე მეტად უყვარს სხვისი ხელით ნარის კრეფა, ვინც ყველა მთავრობას, ყველა იდეოლოგიას, ყველა წყობას ერგება. ყვარყვარე ქამელეონია, ფერს იცვლის საჭიროების მიხედვით და ერთადერთი რაც მასში უცვლელი რჩება, სწორედ ეს, სხვისი კალთის ქვეშ შეფარების, ყველა სიტუაციის სათავისოდ გამოყენების, საჭიროების მიხედვით ცვლილების მარადიული თვისებაა... პოლიკარპე კაკაბაძის „ყვარყვარე თუთაბერი”, როდესაც ლიტერატურული პერსონაჟი გაცილებით მეტია ვიდრე უბრალოდ ლიტერატურული პერსონაჟი.