დღევანდელ მრავალფეროვან და ულმობელ სამყაროში, როცა ყველა მსოფლმხედველობითი ორიენტირი აღრეულია, ყოველდდღიურად ლოკალურ ომებში ათასობით ადამიანი იღუპება, სამეცნიერო -ტექნიკური პროგრესი კი სულ უფრო მეტ დამოკიდებულ და გარიყულ ადამიანს წარმოშობს, კაცობრიობისა და ცივილიზაციის წინაშე ძლიერი, გამორჩეული პიროვნებების როლი განსაკუთრებულ მნიშვნელობას იძენს. იგულისხმებიან ის ადამიანები, რომლებმაც ადრე და ახლაც თავისი ღირსეული, თავისუფალი და ნაყოფიერი ცხოვრების წესით, ნიჭით და სულიერი რწმენით კაცობრიობას ადამიანობის მაგალითი მისცეს, თუმცა მათ შორის არიან ისეთი პიროვნებებიც, რომლებმაც ღვთის მონიჭებული ნიჭი ბოროტ გენიად აქციეს. თქვენს წინაშეა წიგნი, რომელშიც ჟურნალისტური ესეების სახით, მეორე ათასწლეულის მიჯნაზე მცხოვრები 100 ცნობილი პიროვნების ბიოგრაფიაა წარმოდგენილი.