ოჯახური ძალადობა, სადაც მოძალადე ქალია, ხოლო მსხვერპლი - მამაკაცი. მოძალადე ცოლებისა და დედების თემა დღეს ერთ-ერთი ყველაზე აქტუალური და ტაბუირებულია მთელს მსოფლიოში. ასეთი ქალები ხშირად სიყვარულის, ერთგულების, ოჯახის შენარჩუნებისა და ტრადიციული ფასეულობების ნიღაბს ამოფარებულნი მოქმედებენ. სინამდვილეში კი მანიპულირებენ, ეჭვიანობენ, თავისუფლებას უზღუდავენ და პიროვნულად ანგრევენ მათ მეუღლეებსა და შვილებს. ამის მიზეზი კი ეგოიზმი, არასრულფასოვნების კომპლექსი და მარტოობის შიშია. მათ საკუთარი შვილებისა და ქმრების ბედზე მეტად მანკიერი საზოგადოებრივი აზრი აწუხებთ. ეს სპექტაკლი ტრადიციულ ინსტიტუტებსა და საზოგადოებაში დამკვიდრებულ ბევრ ნორმას ეჭვის ქვეშ აყენებს, რადგან იქ, სადაც ადამიანი ბედნიერი არ არის, ყველაფერი თავსმოხვეული და დამთრგუნველი პირობითობა ხდება.