ქართველი მწერალი ჭოლა ლომთათიძე სწავლობდა ოზურგეთის სამოქალაქო სასწავლებელში, 1896 წლიდან ქუთაისის სამეურნეო სკოლაში. 1897 წლიდან ჭ. ლომთათიძე ხარკოვის სამეურნეო სკოლის მსმენელი იყო, საიდანაც რევოლუციური საქმიანობის გამო გარიცხეს. 1907 – 1914 წლები მან ციხეში გაატარა. სამშობლოში უკან დაბრუნების უფლება არ მისცეს და იგი სარატოვის თავშესაფარში გარდაიცვალა. კრებულში შესულია მწერლის მოთხრობები, რომელთა თემატიკა ძირითადად სოციალური-პოლიტიკურია.