რომანი მოგვითხრობს საიდუმლო სპეცსამსახურების ფარული ბრძოლის პროცესს ინტეგრაციითა და გლობალიზაციით გამოწვეულ მსოფლიო გაერთიანების მცდელობის პირობებში. „აზროვნების სინთეზი“ ახალ სიტყვად შეიძლება ჩაითვალოს მომავლის პროზაში. მრავალპლანიან და მძაფრსიუჟეტიან ნაწარმოებში ფანტასტიკურ ელემენტებთან ერთად უხვადაა გადმოცემული დაუნდობელი ფილოსოფიურ-ფსიქოლოგიური ჭიდილი, რაც სიკეთისა და ბოროტების ზღვარზე ძევს და უფრო ამძაფრებს დაძაბულ სიუჟეტს. მსოფლიო ბატონობისათვის და ფინანსური ნაკადების კონტროლისათვის გაჩაღებულ დაპირისპირებაში ასპარეზზე გამოდიან რობოტიზირებული ახალი ადამიანები, ზომბირებული პიროვნებები და ყველაფერს აკეთებენ, რათა ერთი ფენა მეორის მორჩილი გახდეს. სახელმწიფოთა შორის სპეცსამსახურების კონფლიქტი მსოფლიო ზებატონობისათვის დღევანდელი რეალობაა. აღწერილი ამბავი ნათელყოფს ხვალინდელი ტექნოლოგიებისა და მეცნიერული აზრის სტრატეგიულ მნიშვნელობას.