მღვიმე მ ღ ვ ი მ ე
ფრაგმენტი თბილისის ერთ – ერთ უმაღლეს სასწავლებელში ახალგაზრდა მეცნიერის ვახტანგ ჯაფარიძის მიერ წაკითხული ლექციიდან:
– – „ საინტერესო რამ გადმოსცა ტელესკოპმა „ ჰაბლმა “ ამ რამოდენიმე წლის წინ. მზეს მიუახლოვდა რაღაც შავი ობიექტი, რომლის სიგრძე რამდენიმე ათეული ათასი კილომეტრით განისაზღვრებოდა. შემდეგ იგი სამ ნაწილად გაიყო და ორი მათგანი მზეში შევიდა. გარკვეული ხნის შემდეგ ისინი მზიდან გამოვიდნენ და შესვლის ადგილზე შავი ლაქები დატოვეს. ობიექტები კვლავ შეერთდნენ და ერთ შავ, მთლიან ობიექტად გადაიქცნენ. მან სწრაფად დატოვა მზის მიდამოები და კოსმოსში ძალიან დიდი სიჩქარით გაუჩინარდა. აქედან ორი დასკვნის გაკეთება შეიძლება. ან მზე ხელოვნურია და ვიღაცამ ის შეაკეთა, ან მისგან ენერგიის გატანა მოხდა.
მზის ტემპერატურა მის შიგნით, სადაც თერმობირთვული რეაქციები მიმდინარეობს რამდენიმე მილიონი გრადუსია. მზის ზედაპირზე კი ტემპერატურა 6000გრადუსამდე ეცემა. შემდეგ კი გამოფრქვეული პლაზმის ტემპერატურა კვლავ რამდენიმე მილიონ გრადუსს აღწევს. ეს ფენომენი ჯერ ვერაფრით აუხსნიათ. თითქოს რაღაც დამცავი, გასაგრილებელი ფენით არის დაფარული მისი ზედაპირი. მაგრამ ფიზიკური სხეული, თუ ის რაღაც უმაღლესი ტექნოლოგიური ცივილიზაციის მიერ არ არის დამზადებული (რა თქმა უნდა ჩვენთვის უცნობი ტექნოლოგიებით), ატომებად დაიშლებოდა და გაქრებოდა.
როგორც კი ობიექტი მოსცილდა, მზეზე დაიწყო გარსის აქტიურობა და პლაზმის კოსმოსში გამოფრქვევა. ამ რადიაციის დიდი რაოდენობა იუპიტერისკენ იყო მიმართული, მაგრამ მცირე ნაწილი დედამიწისკენაც წამოვიდა.
დედამიწას იცავს მისი მაგნიტური ველი და იონოსფერო ამ სახის კოსმიური სხივებისაგან. მაგრამ ერთი საინტერესო კანონზომიერება შეინიშნება. მზის აქტიურობასთან არის დაკავშირებული დედამიწაზე მიმდინარე მრავალი პროცესი, მათ შორის კაცობრიობის განვითარება. მზის აქტივობის დროს ხდება ომები, რევოლუციები. თითქოსდა მშვენივრად აწყობილ ქვეყნებში – – მასობრივი არეულებები. მზესთან არის დაკავშირებული ნებისმიერი ინფექციები და ფინანსური კრიზისები. ასევე ამ დროს იბადებიან მსოფლიოში ყველაზე გამორჩეული ტირანები და აგრეთვე გენიოსები, რომლებმაც კაცობრიობის ისტორია რამდენჯერმე შეცვალეს.
რუსმა კოსმონავტმა ჯანიბეკოვმა ერთ – ერთ თავის ინტერვიუში საყურადღებო რამ თქვა. კოსმონავტები რომლებიც დიდი ხნით იგზავნებოდნენ კოსმოსში დავალებებს წერილობითი სახით იღებდნენ. სადაც დაფიქსირებული იყო თუ რომელ დღეს რა უნდა ეკეთებინათ. ყოველ დღეს გაკეთებული სამუშაოს შესახებ იმ წუთშივე აკეთებდნენ ჩანაწერებს, იმიტომ რომ მეორე დღეს თითქმის არ ახსოვდათ წინა დღის დავალებები.
რადგან კოსმოსში არ მოქმედებს დედამიწის მაგნიტური ველი, გამოსხივება გავლენას ახდენს ადამიანის თავის ტვინზე და როგორც მაგნიტურ ლენტზე მოქმედებს მაგნიტი და შლის იფორმაციას, ასევე იშლება ადამიანის ტვინში ინფორმაციის ნაწილი. რატომ ნაწილი და არა მთლიანად ეს კიდევ ერთი გამოცანაა.
მზეზე რადიაციის გააქტიურების დროს დედამიწის მაგნიტური ველი ვეღარ უმკლავდება მომატებულ დამუხტულ ნაწილაკთა ნაკადს და მაშინ ხდება ანომალური მოვლენები. მაგ. ზღვის ძუძუმწოვართა მასიური თვითმკვლელობები. როდესაც დელფინები და ვეშაპები ნაპირისაკენ მიემართებიან და ნაპირზე უწყლოდ დარჩენილები იღუპებიან. აგრეთვე ფრინველების უეცარი სიკვდილიანობა, თანაც ისე რომ ციდან მთელი სისწრაფით ეჯახებიან შენობებს, ან ვარდებიან დედამიწაზე.
ამ დროს მრავალი ადამიანი იღუპება გულ – სისხლძარღვთა დაავადებით, ან პიკს აღწევს სხვა დაავადებების განვითარების სტადია, ანუ
ჩუქება
