„გამომცემლობა პალიტრა L“ ჟურნალ „ისტორიანთან“ ერთად გთავაზობთ ყველაზე ცნობილი ადამიანების ბიოგრაფიებს. ვინც ისტორია შექმნა და შეცვალა. მათზე ბევრი გსმენიათ, შესაძლოა გიფიქრიათ და გიკამათიათ კიდეც, მაგრამ ალბათ იშვიათად გაცნობიხართ მასალას, სადაც პერსონაზე სრულიად განსხვავებული ფაქტებითა და ამბებით მოგითხრობენ. ბუნებრივია, ისტორიულ ფაქტს, დოკუმენტურ მასალას ამ ნაშრომებში უდიდესი ადგილი უკავია, მაგრამ სულ სხვაა ამბავი, რომელიც ემოციის, პირობითობის, ურთიერთობების, ადამიანური სისუსტეების, წინააღმდეგობებისა და, უბრალოდ, ცხოვრების ფონზე ვითარდება. ამბობენ, რომ დიდი ადამიანები ქმნიან ეპოქას, თუმცა, პირიქითაც ხდება – ეპოქა, გარემო, კონკრეტული სოციალ‐ეკონომიკური თუ პოლიტიკური ვითარება ქმნის პროვოკაციულ ფონს, რაც გამჭრიახი, გაბედული და ამბიციური ადამიანებისთვის გამოწვევად იქცევა და... ისტორია უდიდესი მოვლენის ქრონიკას ჩაინიშნავს ხოლმე! ამ მოვლენებს უმეტესწილად საკუთარი ავტორები ჰყავთ – პერსონები, ვინც ხელსაყრელ მომენტს ჩაეჭიდნენ და... რომელთაც შეცვალეს სამყარო! ფრანგთა იმპერატორ ნაპოლეონ ბონაპარტის პიროვნების მასშტაბები აღიარებულია თანამედროვე მსოფლიოს სამეცნიერო საზოგადოების მიერ. დღეისათვის ნაპოლეონი განიხილება არა მხოლოდ როგორც უდიდესი მხედართმთავარი, არამედ პიროვენება, რომელმაც უკიდეგანოდ გააფართოვა ის ფარგლები, რომლებიც მის გამოჩენამდე ადამიანის გონებრივი შესაძლებლობებისა და ენერგიის ზღვრად ითვლებოდა.