წინასიტყვაობა
ხშირად, სარეკლამო და მარკეტინგული სამსახურები სიკეთის ნაცვლად ზიანს აყენებს ბიზნესს სწორედ რეკლამისა და მარკეტინგის კუთხით (როგორც იქნა, ვთქვი!). ეს სამწუხარო პარადოქსი, ალბათ ახსნის იმ ფაქტს, რომ დღევანდელ, ღირებულებებზე ორიენტირებულ, კორპორაციულ სამყაროში, როგორც არასდროს, ისეთი ძალისხმევა გვჭირდება ჩვენი საქმიანობის ღირებულებების მართებულობაში კლიენტების დასარწმუნებლად. აქედან გამომდინარე, "კამპანიები, რომლებმაც შეძრა მსოფლიო", სწორედ რომ დროული შეხსენებაა იმისა, თუ რისი მიღწევა შეუძლიათ პიროვნებებს, ორგანიზაციებსა და ბრენდებს მარკეტინგული კომუნიკაციების საოცარი ძალის გამოყენებით. ამ წიგნში გამოთქმული მოსაზრებები ვერანაირად ვერ დაამშვიდებს მათ, ვინც კვლავ მოძველებული, მცდარი შეხედულების ერთგული რჩებიან - კარგი პროდუქტი, საკუთარი ღირსებების გამო, თავადაც გაიყიდება.
შეძლებდა კი მარგარეტ ტეტჩერი, 1979 წელს, ასეთი შთამბეჭდავი გამარჯვების მოპოვებას ტიმ ბელისა და ძმები სააჩების გარეშე? გახდებოდა დევიდ ბექჰემი გლობალური ბრენდი, ექსპერტის რჩევები რომ არ გაეთვალისწინებინა? იქნებოდა Dove-ი ქალური „ თვითშეფასების" ჩემპიონი (გაყიდვების გაორმაგების პარალელურად) „ ნამდვილი სილამაზის" კამპანია რომ არ ეწარმოებინა? ყველა შემთხვევაში და დაბეჯითებით, ჩვენი პასუხია - არა! მარკეტინგის გამოყენების დადებითი შედეგების შესახებ არავის დაუწერია სარეკლამო სააგენტოს - J Walter Thompson London თავმჯდომარე, ჯერემი ბულმორზე კარგად. თუ არ წაგიკითხავთ მისი 1998 წლის ესე Polishing the Apples ("ვაშლების გაპრიალება"), კარგი იქნებოდა, ამით დაგეწყოთ.
ჯერემი ბულმორი წერს: „ იმისათვის, რომ კონკურენტუნარიანი იყოთ, საჭიროა თქვენი კომპანია, პროდუქტი, იდეები, პოლიტიკა თუ წინადადებები მაქსიმალურად მიმზიდველად წარადგინოთ. ეს არის ის, რის გამოც ხალხი ყიდულობს კოსმეტიკურ საშუალებებს, რატომაც უნდა იყოს ვიტრინის დიზაინერების სამუშაო მაღალანაზღაურებადი და რატომაც აპრიალებენ ვაშლებს ვაშლის გამყიდველები. არც ერთ ბიზნესს, რომელ სფეროსაც უნდა მიეკუთვნებოდეს, არ უნდა ჰქონდეს წარმატების იმედი, თუ „ ვაშლებს არ გააპრიწინასიტყვაობა ალებს". შესაძლოა, ჯერ კიდევ არსებობენ ზოგიერთები, ვისაც მარკეტინგის ძალისა არ სჯერა, მაგრამ ისინი გამარჯვებულებს შორის ვერ იქნებიან და მეტიც, მალე საერთოდ აღარ იარსებებენ". დენი როჯერსის წიგნში გამოყოფილია ზოგიერთი საუკეთესო „ ვაშლის გამპრიალებელი" და გაანალიზებულია მათი როლი თანამედროვე ეპოქის პოლიტიკური, კომერციული, სპორტული, კულტურული და პიროვნების კამპანიების წარმატებაში. ასევე ცალსახადაა აღნიშნული, რომ კამპანია არ უნდა იყოს ერთჯერადი, მოკლევადიანი ღონისძიება. აქ მოთხრობილია მდგრადი, გრძელვადიანი, წარმატებული კამპანიების შესახებ, რომელთაც გრძელვადიანი მარკეტინგული კომუნიკაციები უდევს საფუძვლად.
კამპანიები, რომლებმაც შეძრა მსოფლიო , კომუნიკაციების ეფექტიანობის დადასტურებაა. ის მარკეტინგული წესების სასურველი და საჭირო თანამგზავრია. ადამიანებმა და კამპანიებმა, რომელთა შესახებაც ამ წიგნშია მოთხრობილი, ჩამოაყალიბეს სამყარო, სადაც ჩვენ ვცხოვრობთ, - ჩვენი პოლიტიკა, მედია, კულტურა და საზოგადოება - გასართობი, წინააღმდეგობრივი და მომხიბვლელი ფორმით. დევიდ ოგილვი, თანამედროვე სარეკლამო საქმიანობის ერთ-ერთი „ მამა “ ამბობს: „ თუ თქვენი რეკლამა დიდ იდეას არ შეიცავს, იგი ჩაივლის, როგორც გემი უმთვარო ღამეში. ვეჭვობ, ასიდან ერთ კამპანიას ჰქონდეს "დიდი იდეა". ეს წიგნი სწორედ იმ ერთ პროცენტზე მოგითხრობთ.
სერ მარტინ სორელი, ბრიტანული სარეკლამო კომპანიის - WPP-ის (Wire and Plastic Products) დამფუძნებელი და აღმასრულებელი დირექტორი
ჩუქება
