"ჩვენ ვცხოვრობთ პოსტკონფლიქტური კონფლიქტების კონფლიქტურ ეპოქაში" – ეს გურამ ოდიშარიას ერთ-ერთი ჩანაწერია წიგნიდან, რომელიც 1997-2011 წლებში იწერებოდა. "სულის გადასხმა" სწორედ კონფლიქტებით მოცულ, "დაწყვეტილი ურთიერთობების პლანეტას" შეეხება და იქ მცხოვრებ ადამიანს, რომლის ფიქრის საგანი ფიზიკური და სულიერი გადარჩენა გამხდარა. მხატვრული და სამეცნიერო ლიტერატურა, სახალხო დიპლომატიის ეგიდით გამართული მოლაპარაკებები და დიალოგები, არაერთი გულისშემძვრელი ისტორია, რომელიც კავკასიას, "ბებერი კონფლიქტის ჩიხს" უკავშირდება, გურამ ოდიშარიასთვის მიზეზი და საბაბია, ერთხელ კიდევ შეახსენოს მკითხველს, რომ "მიმტევებელი კაცი კაცობრიობის მხსნელია" და რომ "ქვეყნის ზნეობრივი მთლიანობა ბევრად მნიშვნელოვანია ტერიტორიულ მთლიანობაზე".