„ნიმფების ხეივანი“ მწერლის ახალი წიგნია. მოთხრობების პირველი კრებული 15 წლის წინ გამოსცა და მერე აღარაფერი დაუბეჭდავს. ახლახანს ისევ გამოჩნდა და ჟურნალ „განთიადში“ ორი ახალი მოთხრობა გამოაქვეყნა – სტილითა და ხასიათით სრულიად განსხვავებული, ბევრად უფრო შთამბეჭდავი და დახვეწილი. ნიმფების ხეივანიც ცალკე წიგნად რომ სთავაზობს მკითხველს, ასეთივეა: აქ ერთმანეთს ერწყმის ბიოგრაფიული და მწერლის ფანტაზიით წარმოსახული ირეალური სამყარო; ეს ირეალურიც სხვათა შორის, მწერლის გენეტიკური მეხსიერებით იკვებება, ამდენად – მხატვრულად ბუნებრივია და ცხადი, რეალურის ქვეცნობიერის გაგრძელებაა. ბიოგრაფიული ამბების წყალობით, მოთხრობა მყარად დგას მიწაზე, უჩვეულო, ლამის ფანტასტიკური მხატვრული წარმოსახვა კი ამ ყოფით დეტალებს ექსპრესიასა და განმაზოგადებელ ხარისხს ანიჭებს. რედაქტორ გამომცემელი – თემურ ამყოლაძე